ترکیې د افغانستان د کندهار په ولایت کې د امنیې پر قومندانۍ ډله ایز برید په کلکو ټکو وغنده.
ترکیې د کندهار برید په کلکو ټکو وغنده
![ترکیې د افغانستان د کندهار په ولایت کې د امنیې پر قومندانۍ ډله ایز برید په کلکو ټکو وغنده.](http://cdn.trt.net.tr/images/xlarge/rectangle/8ec8/29cd/1c23/5d203aadbe452.jpg?time=1718831839)
د ترکیې د بهرنیو چارو وزارت پدې اړه په خپور کړي بیان کې ویلي دي چې د افغانستان د کندهار د ولایت د امنیې پر قومندانۍ ترسره شوی ترهګری برید په کلکو ټکو غندو.
په بیان کې راغلي دي « په ډیرې خواشینۍ سره مو تیره ورځ د افغانستان په کندهار ولایت کې د امنیې پر قومندانۍ ترهګري برید د ترسره کیدو نه چې په پایله کې په لسګونو تنو ته مرګ ژوبله اوښتې ده خبر ترلاسه کړ. ترکیه دا برید په کلکو ټکو غندي، د پيښې د قربانیانو لپاره د الله د دربار څخه د رحمت او مغفرت، د ټپیانو لپاره د عاجلې شفاء او د قربانیانو د کورنۍ او دوست او ورور هیواد افغانستان ملت او حکومت ته د صبر غوښتنه کوو او د تسلیت مراتب ورته وړاندې کوو.»
د ویلو ده چې پرون د مازیګر په ناوخته ساعتونو کې په کندهار ولایت کې د امنیې پر قومندانۍ ډله ایز برید وشو چې په پایله کې ۱۱ تنو ژوند د لاسه ورکړ او نږدې ۹۰ تنه نور ټپیان شول.
همداشان دې برید د ځاني زیانونو سربیره د پام وړ مالي زیانونه هم اړولي دي. د کندهار د امنیې قومندانۍ تر څنګ د ګمرک په ریاست کې ولاړو یو زیات شمیر لاریو اور اخیستی دی.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718831839)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718831839)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله