د جي شل سازمان سرمشریزه پيل شوه
د جاپان د اوساکا په ښار کې جوړه شوې د جي شل سازمان سرمشریزه د کوربه هیواد د لومړي وزیر شینزو ابې لخوا د میلمه مشرانو نه د هرکلي او په ټولنیزه توګه د عکسونو د اخیستو نه وروسته رسمآ پیل شوه.
د ترکیې ولسمشر رجب طیب اردوغان چې د جي شل په سرمشریزه کې ګډون کړی دی په ټولیزه عکسونو کې برخه واخیسته.
د ترکیې د ولسمشرۍ ماڼۍ د عامه اړیکو رئیس فخرالدین التون د ټولنیزې مډیا له لارې د جي شل د سرمشریزې په چوکاټ کې د نړۍ د مشرانو سره د لیدنې پر مهال د ولسمشر اردوغان اخیستي عکسونه خپاره کړل.
ولسمشر اردوغان د روسېې د ولسمشر ولادیمیر پوتین او د فرانسې د ولسمشر امانویل ماکرون سره لیدنه کړې.
ولسمشر اردوغان وروسته د نوموړو مشرانو سره په ګډه د دجیتل اقتصاد تر عنوان لاندې په ورکشاپ کې ګډون وکړ. د نوموړي ورکشاپ نه وروسته مشرانو په کاري میلمستیا کې ګډون وکړ.
د ډوډۍ نه مخکې ولسمشر اردوغان د روسیې د ولسمشر ولادیمیر پوتین سره لنډې خبرې وکړې. پدې لنډو خبرو کې د ترکیې د بهرنیو چارو وزیر مولود چاوش اوغلو او د مالیې او خزانې وزیر برات البیرق هم شتون درلود.
ولسمشر اردوغان د جي شل سرمشریزې په چوکاټ کې په دوه په دوه لیدنو هم پیل وکړ.
ولسمشر اردوغان د نوموړو لیدونو په چوکاټ کې د نړۍوال بانک د رئیس داوید مالپاس سره ولیدل. لیدنې نیم ساعت دوام وکړ.
ولسمشر اردوغان وروسته د فرانسې د ولسمشر سره لیدنه وکړه.
دا لیدنه چې د بندو دروازو ترسره شوه یو ساعت يي دوام وکړ.
پدې لیدنه کې د ترکیې د بهرنیو چارو وزیر مولود چاوش اوغلو،د خزانې او مالیې وزیر برات البیرق، د ملي دفاع وزیر خلوصي اکار او د ولسمشرۍ ماڼۍ ویاند ابراهیم قالن هم ګډون کړی وو.