د ترکیې ولسمشر رجب طیب اردوغان د استانبول د ښاروالۍ د ټاکنو په ترڅ کې خپله رای وکاروله.
ولسمشر اردوغان خپله رای وکاروله
ولسمشر اردوغان د خپلې میرمنې په ملګرتیا د استانبول د اوسکودار په ولسوالۍ کې د صفت چلبي په منځني ښوونځي کې خپله رای وکاروله.
ولسمشر اردوغان د رای د کارولو نه وروسته خبریالانو ته لنډې څرګندونې وکړې.
هغه وویل « د هر څه مخکې باید ووایو چې د استانبول په څیر په یو لوی ښار باید ټاکنې د دویم ځل لپاره ترسره شوي نوی . خو د مارچ د ۳۱ مې په ټاکنو کې د استانبول په اړه د بعضو ستونزو د رامنځته کیدو نه وروسته د ټولټاکنو خپلواک کمیسیون د استانبول د ټاکنو د تکراریدو پریکړه وکړه.
زه پوره باور لرم چې د استانبول په اړه به تر ټولو مناسبه او پر ځای پریکړه د استانبول خلک وکړي. د استانبول پدې ټاکنو کې د ګډون د کچې د لوړولو په خاطر مو ډیرې زیاتې هلې ځلې وکړې. هغه کسان چې د رخصتۍ په خاطر د استانبول نه بیرون تللي وو استانبول ته د هغوې د راستنولو په برخه کې مو ډیرې زیاتې هلې ځلې کړي دي. انشاالله چې پدې ټاکنو کې د ګډون کچه به لوړه وي. د استانبول ټاکنو پایلې به د نږدې نه تعقیب کړم. »
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله