ترکیې امریکا ته د اس ۴۰۰ توغندیو په اړه د ګډې کاري ډلې د جوړولو وړاندیز تکرار کړ
ترکیې امریکا متحده ایالتونو ته د اس ۴۰۰ دفاعي توغندیو د سیستم د مسئلې د څیړولو په اړه په ګډه د کاري ډلې د جوړولو وړاندیز تکرار کړ.
د ترکیې ولسمشر رجب طیب اردوغان د امریکا متحده ایالتونو د ولسمشر دونالد ټرمپ سره د ټيلیفون په کرښه خبرې وکړې.
د ولسمشرۍ ماڼۍ د عامه اړیکو رئیس فخرالدین التون د نوموړې ټیلیفوني خبرو په اړه د ټولنیزې مډیا له لارې معلومات خپاره کړل.
التون ویلي دي چې ولسمشر اردوغان د امریکا د ولسمشر ټرمپ سره پدې ټيلیفوني خبرو کې د دوه اړخیزو او سیمه ایزو مسئلو په اړه په هر اړخیزه توګه خبرې وکړې.
هغه ویلي دي چې د ترکیې ولسمشر رجب طیب اردوغان د امریکا ولسمشر مشر ته د هیواد د ملي امنیت د اړتیا له مخې د روسیې نه د اخیستل شوو اس ۴۰۰ دفاعي توغندیو د سیستم د څيړولو په مسئله کې د یوې ګډې کاري ډلې د جوړولو وړاندیز تکرار کړ.
همداشان ولسمشر رجب طیب اردوغان د امریکا د ولسمشر ټرمپ نه په فولادو د لګولې اضافه ګمرکي تعرفې د لرې کولو له امله مننه وکړه. ولسمشر اردوغان وویل چې دا پریکړه به د ترکیې او امریکا ترمنځه سوداګریز حجم ۷۵ میلیارده ډالرو ته د لوړولو هدف سره مرسته وکړي.
ولسمشر اردوغان د امریکا د ولسمشر سره پدې ټیلیفوني خبرو کې د جون په ۲۸ مه نيټه د دوو ورځو لپاره په جاپان کې جوړیدونکې د جي شل سازمان په سرمشریزه کې د مخامخ لیدنې په اړه په تفاهم ورسیدل.
اړوند خبرونه
ولسمشر اردوغان د لبنان د لومړی وزیر میقاتي سره ټیلیفوني خبرې وکړې
د تورکیې ولسمشر رجب طیب اردوغان د لبنان له لومړي وزیر نجیب میقاتي سره ټیلیفوني خبرې وکړې.
