ولسمشر اردوغان : د ترکیې دښمنان غواړي چې د خپلو نوو چټلو لوبو سره زمونږ په منځ کې نفاق تخم وکړي
ولسمشر اردوغان د پولیسو د تشکیلاتو د ۱۷۴ یمې کلیزې په مراسمو کې ډیرې مهمې څرګندونې وکړې
د ترکیې ولسمشر رجب طیب اردوغان وویل هغه برخې چې غواړي د ترکیې د پولو نه پورې غاړې د ترهګرو د دهیلیز د جوړولو سره په ترکیې فشار وارد کړي په نږدې راتلوونکې کې به هغوې ته په هغه ژبه چې پرې پوهیږي ځواب ورکړو.
ولسمشر اردوغان دا څرګندونې د انقرې د ګولباشي په ولسوالۍ کې د ځانګړو ځواکونو په ریاست کې د پولیسو د تشکیلاتو د ۱۷۴یمې کلیزې په ویاړ په جوړو شوو ځانګړو مراسمو کې وکړې.
ولسمشر اردوغان د ځانګړو ځواکونو د ریاست نوې ودانۍ هم پرانیسته. ولسمشر اردوغان پدې مراسمو کې د خپلې وینا په ترڅ کې د ترهګرۍ پر وړاندې مبارزې ته په اشارې سره وویل « د هیواد دښمنانو زمونږ د ملت ترمنځه د نفاق او خپلمنځنیو شخړو د رامنځته کولو په خاطر خپلې ټولې چټلۍ لوبې وکارولې. یوه لوبه هم ترینه پاتې نشوه. حتا خبره يي تر کودتا هم ورسیده. د ۲۰۱۶ کال د جولای په ۱۵ مه نیټه يي د فتح الله ګولن ترهګریز سازمان په واسطه کودتا ناکامه هڅه وکړه خو له نیکه مرغه چې خپلو شومو موخو ته ونه رسیدل. اوس غواړي چې د ترکیې د پولو نه پورې غاړې ته د ترهګرو د دهلیز په جوړولو سره په ترکیې فشار وارد کړي . ددوې په مقابل کې مو ډیر مهم ګامونه اوچت کړي او دا هم ورته وښوده چې په هیڅډول به خپلو موخو ته ونه رسیږي. »
ولسمشر اردوغان وویل هغه برخې چې اوس هم په خپلو دې ورانکارانه سناریو ګانو ټینګار کوي په نږدې راتلوونکې کې به ورته د هغوې په ژبه ځواب ورکړو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله