د دین او عقیدې له مخې د ترهګرۍ پر خلاف د مبارزې پریکړه لیک ومنل شو
د ترکیې په مشرۍ جوړ شوی د دین او عقیدې له مخې د ترهګرۍ او نور تاوتریخوالي پر خلاف د مبارزې اړوند پریکړه لیک چې د ملګروملتونو د امنیت شورا ته وړاندې شوی وو د رایو په اکثریت سره ومنل شو.
د ترکیې د بهرنیو چارو وزیر مولود چاوش اوغلو تیره ورځ د ملګروملتونو په عمومي غونډه کې د نوموړي پریکړه لیک متن په لوستولو سره د ملګروملتونو د سازمان ټولو غړیو ته وړاندې کړ.
پدې پریکړه کې لیک کې د مارچ په ۱۵ مه نيټه په نوي زیلاند کې پر دوو جوماتونو ترسره شوي بریدونه په کلکه توګه غندل شوي دي او په راتلوونکې کې د داسو پيښو د نه تکراریدو په خاطر په ټولو هیوادونو د لازمو تدابیرو د نیولو غږ شوی دی. همداشان دا پریکړه لیک د ملګروملتونو د سازمان د ټولو غړیو د رایو په اکثریت سره ومنل شو.
د ترکیې د بهرنیو چارو زویر مولود چاوش اوغلو د ملګروملتونو سازمان د عمومي غونډې نه وروسته د ملګروملتونو د مدنیتونو د اتفاق د عالي کمشنر میګویل مورانتینوس سره لیدنه وکړه.
د ترکیې د بهرنیو چارو وزیر د نوموړې لیدنې د جزیاتو په اړه د ټولنیزې مډیا له لارې معلومات ورکړي دي. هغه ویلي دي چې پدې لیدنه کې مو د اسلام فوبیا، اسلام دښمنۍ، بهرنیو پر وړاندې د دښمنۍ او نفرت د مخنیوۍ او مبارزې په مسئلې خبرې وکړې. پدې لیدنه کې مو د نوموړو مسئلو پر خلاف په نړۍواله کچه د مبارزې غوښتنه وکړه.
د ویلو ده چې د ترکیې د بهرنیو چارو وزیر مولود چاوش اوغلو په نیویارک کې د رسمي لیدونو کتنو نه وروسته د ناټو سازمان د تاسیس د ۷۰ کلیزې او د ناټو سازمان د بهرنیو چارو د وزیرانو په غونډه کې د ګډون په خاطر واشنګټن ته سفر وکړ.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله