ولسمشر اردوغان خپله رای په استانبول کې صندوق ته واچوله
د ترکیې ولسمشر رجب طیب اردوغان د سیمه ایزو ټاکنو لپاره خپله رای وکاروله.
ولسمشر اردوغان او میرمن يي آمنې اردوغان د استانبول د اوسکودار په سیمه کې د صافت چیبي په منځني ښوونځي کې رای وکارولې.
د ښوونځي په بڼ کې د ولسمشر اردوغان نه د سلګونو تنو هیوادوالو لخوا ډیر تود هر کلی وشو . د ولسمشر اردوغان نه د ښوونځي په دروازه کې د استانبول والي علي یرلي قایا، د استانبول ښاروال مولود اویسال، د اوسکودار د ولسوالۍ ښاروال حلمي ترکمن، د عدالت او پراختیا
ګوند د استانبول د ولایتي دفتر رئیس بایرم شن اوجاق او یو زیات شمیر نورو چارواکیو هرکلی وکړ.
ولسمشر اردوغان او میرمن يي آمنې اردوغان د رایو د کارولو نه وروسته د ترکیې ملي راډیو تلویزیون د خبریال پوښتنې ځواب کړې. ولسمشر اردوغان وویل چې د ټاکنو د پایلو یوه برخه به په استانبول کې تعقیب کړي او وروسته به په یوې خبري غونډه کې ګډون وکړي او بیا به پلازمینې انقرې ته روان شي.
د ټاکنو د پایلو پاتې برخه به په انقره کې تعقیب کړو. ولسمشر اردوغان وویل ددې په هیله چې دا ټاکنې د ټولو لپاره د خیر وسیله وګرځي.
اړوند خبرونه
تورکیې وویل چې د اسرائیلو لخوا پر لبنان برید کول په ټوله سیمه کې د ګډوډۍ د هڅو لپاره یو نوی پړاو دی.
د تورکیې د بهرنیو چارو وزارت په لبنان باندې د اسرائیلو د بریدونو او تاوتریخوالی په اړه بیان خپور کړ.
