په ترکیه کې کې د سمیه ایزو ټاکنو په خاطر د رای اچونې بهیر دوام لري

په ترکیه  کې نن په میلیونونو تنو  د سیمه ایزو چارواکیو د ټاکلو په موخه  د رایو د صندقونو پر لورې  لاړل.

په ترکیه کې  په ځينو ولایتونو کې  د رای اچونې بهیر  د سهار په ۷ بجو او په ځینو نورو کې  بیا د سهار په اتو بجو  پيل شوه. په هغه ولایتونو کې  چې  د رای اچونې بهیر  په ۷ بجو پيل شوی په ۴ بجو او په هغه ولایتونو کې  چې په اتو بجو پيل شوی د مازیګر په ۵ بجو به پایته ورسید.

د ویلو ده چې  نن  په ترکیه کې  نږدې ۵۷ میلیونه واجد د شرایطو رای ورکوونکو په ۱۹۴ زره او ۳۹۰ د رای اچونې په مرکزونو کې خپلې  رای  وکارولې. 

د ترکیې د ټولټاکنو د خپلواک کمیسیون  د پریکړې له مخې  د مارچ د ۳۱ مې  په سیمه ایزو ټاکنو کې  د عدالت او پراختیا ګوند، د مستقلې ترکیې ګوند، د ستر یووالي ګوند، د جمهوریت خلق ګوند، دیموکراټ ګوند، ډیموکراټ کین ګوند، د خلکو دیموکراتیک ګوند، ښه ګوند، د ملیت پالو غورځنګ ګوند، سعادت ګوند، د ترکیې کمونیست ګوند او د وطن ګوند د ګډون  حق  ترلاسه کړی وو.

د ویلو ده چې  رای ورکوونکو  ددې  ټاکنو په ترڅ کې  د ولایتونو  او ولسوالیو ښاروالان، د ښاروالیو د شوراګانو غړي  او د ګذر وکیلان  وټاکل. 

د ویلو ده چې د رای اچونې په بهیر په ټول هیواد کې پایته ورسید.

د ټاکنو غیرې رسمي پایلې  د ټولټاکنو د خپلواک کمیسیون لخوا په خبري رسنیو د پایلو د نشرولو په اړه د لګیدلي بندیز د لرې کیدو سره سم  به شیبه په شیبه  نشر شي.