ابراهیم قالن : ترکیه د سوریې په شمال کې د منبج او فرات سیند د ختیځو سیمو کنټرول غواړي
قالن : مونږ غواړو چې د سوریې په شمال کې د منبج او فرات سیند ختیځ برخو اد امنیت کنټرول ترکيې ته وسپارل شي
![ابراهیم قالن : ترکیه د سوریې په شمال کې د منبج او فرات سیند د ختیځو سیمو کنټرول غواړي](http://cdn.trt.net.tr/images/xlarge/rectangle/b618/7906/40cc/5c21caa5ee320.jpg?time=1718830673)
د سوریې په شمال کې د منبج او فرات سیند ختیځ لورې ته د سیمو په اړه د ترکیې یواځنۍ غوښتنه ددې سیمو د امنیت کنټرول ترکیې ته سپارل دی. دا خبره د ترکیې د ولسمشر رجب طیب اردوغان ویاند ابراهیم قالن وکړه.
د ولسمشرۍ ماڼۍ ویاند د وزیرانو د شورا غونډې نه وروسته د خبریالانو پوښتنې ځواب کړې. هغه وویل چې د منبج او فرات سیند په ختیځ کې ادلب ښار ته د ورته یو ماډل د رامنځته کولو غوښتنه کوو . همداشان ترکیه غواړي چې ددې سیمو کنټرول ترکیې ته وسپارل شي.
هغه وویل چې ددې سیمو نه د ترکیې په مقابل کې کوچنی تهدید او یا د ترهګرو ریښو ځغلولو ته په هیڅډول اجازه ونکړل شي.
هغه د ترکیې او امریکا ترمنځه د منبج په اړه د شوي تفاهم په اړه د پوښتنې په ځواب کې وویل « د دوو متحدو هیوادونو په توګه باید د منبج په اړه په شوي تفاهم عمل پیل شي. پرته د هر ډول وخت ضایع کولو نه باید عملي ګامونه اوچت شي. ځکه چې دا مسله هم د ترکیې او امریکا ترمنځه د اړیکو، هم د سیمې او سوریې د امنیت له پلوه ځانګړی اهمیت لري.»
ابراهیم قالن هغه ادعاګانې چې ترکیه د سوریې په شمال کې د امن د سیمې د جوړولو په مسله کې د امریکا سره په تفاهم رسیدلې ده رد کړې او وویل چې تر اوسه پورې کوم تفاهم ندی شوی او پدې اړه مذاکرات دوام لري.
همداشان ویاند په سوریه کې د اسد رژیم په اړه د یوې پوښتنې په ځواب کې وویل چې زمونږ په اند د اسد رژیم په سوریه کې خپل مشروعیت د لاسه ورکړی دی. دا رژیم د سوریې لپاره روښانه راتلوونکی نشي جوړولی.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718830673)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718830673)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله