د ترکیې د تحصیلي بورسونو لپاره د نوم لیکنه دوام لري

ترکیه هر کال د نړۍ په ګوټ ګوټ کې په زرګونو تنو ته  لوړو زده کړو په خاطر تحصیلي بورسونه  ورکوي. ترکیه  هر کال په زرګونو تنو  بهرنیانو ته  په وړیا توګه  د لوړو زده کړو  زمینه برابروي.

پدې چوکاټ کې د ترکیې  د بهر میشتو ترکانو او ترک تبارو ټولنو ریاست د ترکیې  د تحصیلی بورسونو لپاره  د نوم لیکنې بهیر  رسمآ پیل کړ.

د ترکیې د بهر میشتو ترکانو او ترک تبارو ټولنو ریاست  ریاست  دا  تحصیلي بورسونه  د ترکیې  د دولت په مالي مرسته  د نړۍ  غوره زده کوونکو ته  د   سالم رقابت  د پروګرام  له مخې  ورکول کیږي. ددې پروګرام په چوکاټ کې  د ترکیې په ډیرو مهمو او نامتو پوهنتونونو کې  د لوړو زده کړو فرصت  ورکول کیږي.

د نوموړو تحصیلي بورسونو د ورکولو نه د ترکیې  اصلي موخه  د هیوادونو ترمنځه د همکاریو او ټولنو ترمنځه د متقابل درناوي  قوي کول  او د روښانه راتلوونکې لپاره  د  ښو او پياوړو کدرونو روزل دي.

د ترکیې  تحصیلي بورسونو لپاره د نوم لیکنې لړۍ  د ۲۰۱۹  کال  د جنوري په ۱۵ مه نيټه  پیل  او د فبروري تر شلمې نیټې به دوام وکړي.

د ترکیې تحصیلي بورسونو په خاطر مراجعه یواځې او یواځې  د انلاین لارې څخه کیږي. د پوستې  ، فکس  او یا  مخامخ  لاس په لاس  مراجعه نه منل کیږي. همداشان  د ثبت نام  وړیا  دی.

ددې پروګرام په چوکاټ کې  د لیسانس، ماسترۍ او دوکټورا  په کچه  تحصیلي بورسونه ورکول کیږي.

د ویلو ده چې په ۲۰۱۸ کال کې د نړۍ د ګوټ ګوټ نه  د ترکیې د تحصیلي بورسونو په خاطر  ۱۳۵ زرو تنو  مراجعه کړې وه.

دم ګړۍ  د نړۍ د ۱۶۰ هیوادونو  نه  ۱۷۵۰۰ تنو  د ترکیې د تحصیلي بورسونو  په ترلاسه کولو سره  په ترکیه کې په لوړو زده کړو بوخت دي.

ترکیه ددې بورسونو سره  په نړۍ کې د لوړو زده کړو د سیستم د پياوړتیا په خاطر  ډیر مهم  او رغنده  رول  لوبوي.

ترکیه هر کال  په اوسط ډول  ۷ زرو تنو ته  تحصیلي بورسونه  ورکوي.

د ویلو ده چې  د ترکیې  د تحصیلي بورسونو د نوموړي پروګرام نه یواځې  بهرنیان  ګټه اخیستی شي .

د انټرنټ له لارې  د ثبت نام  پر مهال  د زده کوونکو نه  بعضې  اسناد غوښتل کیږي. وروسته  د ترکیې  بهر میشتو ترکانو او ترک تبارو ټولنو د ریاست د متخصصینو لخوا د تحصیلي بورسونو په  غوښتنلیکونو    غور کیږي.  

هغه  غوښتنلیکونه چې د لومړنۍ  مرحلې نه تیر شي  وروسته د  ملاقات په خاطر ورته بلنه ورکول کیږي.

ملاقات  د یاد شوي ریاست د چارواکیو، اکاډمسینانو ، متخصصینو  او کارپوهانو لخوا اخیستل کیږي.

د ملاقات نه وروسته بریالي زده کوونکي  د ترکیې تحصیلي بورس  حق  ترلاسه کوي.

همداشان هغه کسان چې  د ترکیې د تحصیلي بورس  حق ترلاسه کړي  د ترکیې ویزه  ورته ورکول کیږي او ترکیې ته راغوښتل کیږي.

په لومړي کال  زده کوونکو ته  د یو کال لپاره د ترکي ژبې د زده کړې کورس ورکول کیږي.

د ترکي ژبې  د زده کړې نه وروسته  زده کوونکي د کړو ترجیحګانو په اساس  پوهنتونونو ته  معرفي کیږي.

د ویلو ده هغه زده کوونکو ته  چې د ترکیې د تحصیلي بورس  حق ترلاسه کوي  او د  لوړو زده کړو په خاطر ترکیې ته راځي  لیله  او میاشتنی  یو اندازه  تنخوا هم  ټاکل کیږي. همداشان نوموړو زده کوونکو  په وړیا ته توګه روغتیايي خدمات هم وړاندې کیږي.

د یادولو وړ ده چې  نوموړو  زده کوونکو ته  د راتګ  ټکټونه   او  د زده کړو د سرته رسولو نه وروسته هیواد ته د ستنیدو پر مهال  د تګ  ټکټونه د ترکیې د بهرمیشتو ترکانو او ترک تبارو ټولنو ریاست  لخوا  اخیستل کیږي.

د ترکیې د تحصیلي بورسونو شایقین کولای شي چې د لاندۍ انټرنټي پټې له لارې  ثبت نام  وکړي.

https://www.turkiyeburslari.gov.tr