په سوریه کې پر امریکايي سرتیرو د برید په اړه د ولسمشر اردوغان څرګندونې
اردوغان : ځینې برخې نه غواړي چې امریکايي ځواکونه د سوریې نه ووځي ، د همدې امله خنډونه جوړوي.
د ترکیې ولسمشر رجب طیب اردوغان د سوریې د منبیج په سیمه کې د امریکايي ځواکونو د ګزمې د کتار د تیریدو پر مهال د چاودنې په اړه وویل چې پدې برید کې ۵ تنو امریکايي سرتیرو په ګډون ۲۰ تنو ژوند د لاسه ورکړی دی.
ولسمشر اردوغان دا څرګندونې د کروشیا د ولسمشرې کولیندا ګرابار کیتارویچ سره په پلازمینه انقره کې د لیدنې نه وروسته په ګډه خبري غونډه کې وکړې.
ولسمشر اردوغان وویل داسې ښکاري چې ځینې برخې د سوریې نه د امریکايي ځواکونو وتل نه غواړي. کیدای شي چې دا برید د سوریې نه د امریکايي ځواکونو د وتو په پریکړې د منفي اغیزې کولو په خاطر ترسره شوی وي.
ولسمشر اردوغان وویل چې د امریکا ولسمشر دونالد ټرمپ د سوریې نه د خپلو ځواکونو د ویستو پوره نیت او کلکه اراده لري. دا اراده مونږ په هغه کې ولیدله. هغه وویل مونږ پدې باور یو چې دا برید به د سوریې نه د امریکايي ځواکونو د وتو په لړۍ هیڅډول منفي اغیزې ونکړي. که چیرې منفي اغیزې وکړي دا به د داعش ترهګرې ډلې ستر بری وي.
ولسمشر اردوغان وویل چې د داعش ترهګرې ډلې ځپلو او ځغلولو ته به دوام ورکړو. مونږ په سوریه کې د داعش ترهګرې ډلې ختمولو او له منځه وړولو ته ژمن یو.
د ویلو ده چې پرون د سوریې په شمال کې د حلب ولایت اړوند د منبیج په ولسوالۍ کې د امریکايي ځواکونو د کتار د تیریدو پر مهال درنده چاودنه وشوه چې له امله يي ۲۰ تنه مړه او نږدې شل تنه نور ټپیان شول.
د برید مسئولیت داعش ترهګرې ډلې په غاړه واخیست.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله