اردوغان : د سوریې دروند بار ترکیې په اوږو کړی او لافې نور وهي
د ترکیې ولسمشر رجب طیب اردوغان وویل چې پ ک ک او وای پ جي ترهګرې ډلې په هیڅډول د کردانو استازي ندي.
ولسمشر اردوغان دا څرګندونې د ترکیې په ملي شورا کې د عدالت او پراختیا ګوند اونیزې غونډې ته په وینا کې وکړې.
ولسمشر اردوغان پدې وینا کې په سوریه کې د پ ک ک ترهګرې ډلې او د څانګې وای پ جي ترهګرې ډلې په اړه د امریکا د ملي امنیت د سلاکار جان بولتن څرګندونو په اړه ډیر سخت غبرګون وښود.
ولسمشر اردوغان وویل چې ترکیه په سوریه کې د کورنۍ جګړې د پيل راهیسې د نوي اساسي قانون او ازادو ټاکنو په مسلې ټینګار کوي. د سوریې د روان بحران تر ټولو دروند بار ترکیې په خپلو اوږو اخیستی دی. ترکیې په میلیونونو تنو سوري کډوالو ته پناه ورکړې ده . همداشان په سوریه کې هم د ترهګرو پر وړاندې تر ټولو قوي مبارزه هم ترکیې کړې ده او کوي يي. ترکیې د فرات ډال د پوځي عملیاتو سره په سوریه کې تر ۳زرو تنو ډیر داعشي ترهګر ووژل.
په سوریه کې د داعش ترهګرې ډلې ماتې ته د ترکیې اتلو ځواکونو لار اواره کړه . ترکي ځواکونو د هغوي مقامت مات کړ. سوریه په اصل کې د داعش د بلا نه ترکیې وژغورله. ولسمشر اردوغان وویل چې په اسراییلو کې د امریکا د ملي امنیت د سلاکار جان بالتون د پ ک ک او د هغوې د څانګو په اړه څرګندونې په هیڅډول د منلو وړ ندي.
زمونږ او پدې هیواد کې کوردان د پ ک ک او وای پ جي ترهګر نه پیژني چې څوک دي. پس څه ډول دوی د کوردانو استازي بلل کیږي. دوی په هیڅډول د کوردانو استازي کیدای نشي. بالتون ډیره لویه اشتباه کړې ده . مونږ پدې برخه کې په هیڅډول چا غوښتنو ته غاړه نه ږدو. که چیرې دوی ترهګر وي او ټولې نړۍ د ترهګرو په توګه منلي وي باید د ترهګرو په څیر ورسره معامله وشي. که بل څوک يي نه کوي نو مونږ حاضر یو چې چاره يي وکړو.
ولسمشر اردوغان د هغه ادعاګانو په اړه چې ترکیه په سوریه کې د کوردانو پر خلاف جنګیږي ډیر سخت غبرګون وښود او زیاته کړه« دا یو ډیر پست، رزیل، بې حیثیته او چټل تهمت دی. »
ولسمشر اردوغان وویل چې د امریکا د ولسمشر دونالد ټرمپ سره د شوي تفاهم په اساس په سوریه کې د داعش ترهګرې ډلې د پاتو شونو پر خلاف د مباررې په خاطر تیاري سرته رسیدلي دي.
همداشان ترکیه به د داعش ترهګرې دلې سره سم د پ ک ک او وای پ جي ترهګرې ډلې پر خلاف هم عملیات ترسره کړي.
په نږدې وختونو کې به د ترکیې خاوره ددې ترهګر د شر نه وژغورو.
هو که چیرې زمونږ ددې مبارزې او مجادلې پر وړاندې بل کوم ترهګریز سازمان خنډ جوړ کړي د هغوې سرونه به هم وځپو.
ولسمشر اردوغان وویل چې د پ ک ک او وای پ جي لخوا د داعش پر خلاف مبارزه لوی فریب او د نورو په سترګو کې خاوره شیندل دي.
د داعش او پ ک ک ترمنځه ننۍ شخړه په اصل کې د خپلو منافعو شخړه ده.
ولسمشر اردوغان په فرانسه کې روانو مظاهرو ته په اشارې سره وویل ( په فرانسه کې د زیړو واسکټ لرونکو مظاهره چیانو لویه برخه د پ ک ک ترهګرې ډلې پلویان او غړي تشکیلوي. فرانسه هم پدې ډیره ښه پوهیږي . ایا دوی پدې اړه تحقیقات کړي دي؟ ددې ترهګرو د ورانکارۍ لمن سبا نورو هیوادونو ته هم غځیږي. )
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله