ترکیه په اروپا کې هم د وندالیزم او هم د شدت او زور زیاتي سره مخالفت کوي
د ترکیې د بهرنیو چارو وزیر مولود چاوش اوغلو په اروپا کې روانو مظاهرو ته په اشارې سره وویل ، ترکیه هم د ورانکارۍ او وندالیزم او هم د شدت او زور زیاتي سره مخالفت کوي.
![ترکیه په اروپا کې هم د وندالیزم او هم د شدت او زور زیاتي سره مخالفت کوي](http://cdn.trt.net.tr/images/xlarge/rectangle/a721/46cb/95fb/5c0f999b121f2.jpg?time=1718945533)
د بهرنیو چارو وزیر چاوش اوغلو په پلازمینه انقره کې جوړ شوی د اصلاحاتو د کاري ډلې په پنځمه غونډه کې ګډون وکړ.
وزیر چاوش اوغلو د غونډې نه وروسته خبري غونده کې د خبریالانو پوښتې ځواب کړې.
چاوش اوغلو په اروپا کې د فرانسې په ګډون په بعضو هیوادونو کې روانو مظاهرو ته په اشارې سره وویل ، ترکیه لکه څرنګه چې د ورانکارۍ او وندالیزم سره مخالفت کوي په همدې شان د شدت او زورزیاتي سره هم مخالفت کوي.
هغه ترکي وګړو ته د اورپا د ویزې د مسلې نه هم په یادونې سره وویل « اروپا ته پرته د ویزې سفر کول د ترکیې د وګړو مسلم حق دی. مونږ د همدې بې ځایه او ناحقه خنډونو د لرې کولو په خاطر هلې ځلې کوو.»
چاوش اوغلو د اکتوبر په دویمه نيټه په استانبول کې د سعودي عربستان په قونسلګرۍ کې د وژل شوي سعودي خبریال قاشقچي د جنایت په اړه هم د پوښتنې په ځواب کې وویل ، ترکیه د قاشقچي لپاره د عدالت د تامینولو په لټه کې ده. د جنایت په اړه نوي دلیلونه او شواهد ترلاسه شوي دي. دا د ټولو سره وخت په وخت شریکیږي. له بده مرغه چې سعودي عربستان تر ننه پورې ددې جنایت د روښانه کولو په برخه کې زمونږ سره هیڅډول همکاري نده کړې.
هغه وویل چې دا خبره پخپله مونږ مجبوروي چې د قاشقچي د جنایت د روښانولو په خاطر په نړۍواله کچه د تحقیقاتو د پيلولو غوښتنه وکړو. د جي شل سازمان د سرمشریزې په چوکاټ کې د یو زیات شمیر هیوادونو وزیرانو په ګډه د مراجعه کولو نیت څرګند کړ.
چاوش اوغلو د سوریې په شمال کې د امریکا متحده ایالتونو لخوا د پ ک ک ترهګرې ډلې د څانګې وای پ جي سره د مرستو په اړه هم پوښتنې ځواب کړې.
هغه وویل که چیرې امریکا غواړي چې وای پ جي ترهګرې وروزي دا په اصل کې د سیمې سره ستر خیانت دی.
ترکیه به هیڅکله هم پدې خیانت سترګې پټې نکړي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718945533)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718945533)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله