د کابل د تیرې ورځې ځانمرګي برید په اړه د ترکیې غبرګون .
ترکیې په کابل کې د تیرې ورځې برید په کلکو ټکو وغنده
ترکیې د افغانستان په پلازمینه کابل کې تیره ورځ پر لاریون کوونکو د ترسره شوي ځانمرګي برید په اړه ډیر سخت غبرګون وښود.
ترکیې د تیرې ورځې د برید د غندنې سربیره د خواخوږۍ پيغام خپور کړ.
د ترکیې د بهرنیو چارو د وزارت لخوا په خپور شوي د تسلیت په پیغام کې راغلي دي چې په ډیرې خواشینۍ سره مو تیره ورځ په پلازمینه کابل کې په غزني او ارزګان ولایتونو کې د امنیت غوښتنې په اړه په جوړ شوي لاریون د ځانمرګي برید چې په ترڅ کې ګن شمیر بې ګناه انسانانو ته مرګ ژوبله اوښتې خبرترلاسه کړ.
ترکیه دا برید په کلکو ټکو غندي، د پیښې قربانیانو ته د الله د دربارڅخه د مغفرت، ټپیانو ته د عاجلې شفاء، د قربانیانو کورنیو او د ورور او دوست هیواد افغانستان ملت ته د جمیل صبر او افغانستان حکومت ته د تسلیت مراتب وړاندې کوو. پدې غم کې ځان شریک بولو. پدې پوره باور لرو چې ترهګر او انسانیت دښمنان ددې ډول ضد انساني کړنو سره خپل هدف ته رسیدلی نشي.
د یادولو وړ ده چې پرون د ماسپخین په ساعتونو کې په پلازمینه کابل کې په رایون کوونکو ځانمرګی برید وشو چې په پایله کې ۶ تنه مړه او تر ۲۰ تنو ډیر ټپيان شول.
اړوند خبرونه
تورکیې وویل چې د اسرائیلو لخوا پر لبنان برید کول په ټوله سیمه کې د ګډوډۍ د هڅو لپاره یو نوی پړاو دی.
د تورکیې د بهرنیو چارو وزارت په لبنان باندې د اسرائیلو د بریدونو او تاوتریخوالی په اړه بیان خپور کړ.
