اردوغان او ټرمپ ټيلیفوني خبرې وکړې
د ترکیې او امریکا ولسمشرانو ټیلیفوني خبرې وکړې
د ترکیې ولسمشر رجب طیب اردوغان د امریکا متحده ایالتونو ولسمشر دونالد ټرمپ سره د ټیلیفون په کرښه خبرې وکړې.
د ولسمشرۍ ماڼۍ د رسنیو د مرکز د معلوماتو له مخې پدې ټیلیفوني خبرو کې د دوه اړخیزو اړیکو سربیره په سوریه کې په وروستیو پرمختګونو او د منبیچ او ادلب د مسلو په اړه خبرې شوي دي.
دواړو مشرانو د دوه اړخیزو اړیکو د لا مضبوطولو په خاطر د جدي ګامونو د اوچتولو او د دوه اړخیزو او سیمه ایزو مسلو په اړه لا زیات د تماس په نیولو تفاهم وکړ.
همداشان ولسمشر رجب طیب اردوغان پدې ټیلیفوني خبرو کې د روانۍ اوونۍ په پیل کې د امریکا د پتیسبرګ په ښار کې په کنیسه ترسره شوی برید په کلکو ټکو وغنده او ددې پيښې په اړه يي د امریکا ولسمشر ته د تسلیت مراتب وړاندې کړل.
د بله پلوه سپینې ماڼۍ بیا د ولسمشر اردوغان او ټرمپ د ټیلیفوني خبرو په اړه ویلي دي چې دواړو مشرانو په ځانګړې توګه په سوریه کې د همغږۍ او ددې ستونزې د حل په خاطر په ګډه په کار کولو ټینګار وکړ.
د سپنې ماڼۍ ویاندې ساراه سندرز د بیان په خپرولو سره ویلي دي چې ولسمشر دونالد ټرمپ د ترکیې د ولسمشر رجب طیب اردوغان سره ټیلیفوني خبرې وکړې. پدې ټیلیفوني خبرو کې دواړو مشرانو په ځانګړې توګه په سوریه کې د همغږۍ او ستونزې د حل په خاطر په ګډه د کار کولو په مسلې تفاهم وکړ. د ترکیې ولسمشر د پیتسبرګ د پيښې له امله د امریکا ولسمشر ته تسلیت مراتب وړاندې کړي دي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله