ولسمشر اردوغان : هر څه ژر به په سوریه کې د ترهګرو پر خلاف پوځي عملیات پیل کړو
ترکیه په سوریه کې د ترهګرو پر خلاف پراخه پوځي عملیات پیلوي
د ترکیې ولسمشر او د عدالت او پراختیا ګوند مشر رجب طیب اردوغان په سوریه کې د فرات نهر په ختیځو سیمو کې د ترهګرو پر خلاف په نږدې کې د پوځي عملیاتو د پیلولو نه یادونه وکړه.
ولسمشر اردوغان دا څرګندونې په ملي شورا کې د عدالت او پراختیا ګوند اونیزې غونډې ته په وینا کې وکړې.
ولسمشر اردوغان وویل « د سوریې د مسلې د حل نه پرته په هیواد کې ډاډمند راتلوونکی ناممکنه ده. » هغه وویل د سوریې نه زمونږ هیواد ته د مخامخو تهدیدونو د لمنځه وړو په خاطر مجبور یو چې پدې هیواد کې د ترهګرو پر خلاف پوځي عملیات پیل کړو.
ولسمشر اردوغان د سوریې په مسله کې په نړۍوالې ټولنې د نیوکې سره وویل « نن ورځ چې د سوریې مسله پداسې یو ناڅرګندۍ کې قرار لري دا تول د نړۍوالې ټولنې لخوا د سوریې مسلې ته لکه څرنګه چې لازم وو دقت نه کولو نه سرچینه اخلي. نړۍواله ټولنه پدې مسله کې ډیر زیات مسئوله ده.
ولسمشر اردوغان زیاته کړه « نن ورځ مونږ پدې ډیر ښه پوهیږو چې د داعش ترهګرې ډلې یو زیات شمیر جنګیالي د ځينو ډلو لخوا له سره روزل کیږي او سیمې ته راستول کیږي. داعش بلا نن د همدې ډلو په مرسته د چا خبره په سیمه کې یو ځل بیا د حاکمیت پر لورې روانه ده. ځینې برخې چې په سیمه کې خپلو شومو موخو ته د رسیدو په خاطر د ټولو ترهګرو نه پرته د کوم توپیر نه د الې په توګه استفاده کوي اوس غواړي چې دا پلیته لوبه یو ځل بیا نندارې ته وړاندې کړي. مونږ پوره باور لرو چې د سیمې او نړۍ خلک د داعش ترهګرې ډلې دا پلیته لوبه هیڅوخت نه هیروي.
ولسمشر اردوغان وویل هغه برخو ته چې د یو پلو نه داعش ترهګرې ډلې له سره د ژوندي کولو هڅه کوي او د بله پلوه بیا د اسد رژیم تحریکوي او غواړي چې پدې ډول سوریه یو ځل بیا د وینو په جهیل بدله کړي اجازه ورنکړو.
د سوریې د فرات نهر په ختیځ کې د پرتو ترهګرو ډلو د لمنځه وړو په خاطر به پوځي عملیات پيل کړو.
ددې پوځي عملیاتو په اړه تیاري، پلانونه او ټول پروګرامونه حاضر دي. حتا په تیرو ورځو کې مو د نوموړو ترهګرو د ځالو د لمنځه وړو په خاطر په فعلي ډول سره په بریدونو هم پیل کړی دی. انشاالله چې په ډیر نږدې راتلوونکې کې به د لا پراخو او قوي پوځي عملیاتو سره د ترهګرو ټولې ځالې له منځه یوسو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله