د ترکیې او امریکا ولسمشرانو د ټیلیفون په کرښه خبرې وکړې
د ترکیې او امریکا ولسمشرانو ټیلیفوني خبرې وکړې
د ترکیې ولسمشر رجب طیب اردوغان د امریکا متحده ایالتونو د ولسمشر دونالد ټرمپ سره د ټیلیفون په کرښه خبرې وکړې.
د ولسمشرۍ ماڼۍ د رسنیو دفتر د معلوماتو له مخې پدې ټیلیفوني خبرو کې د دوه اړخیزو اړیکو سربیره د ترهګرۍ پر وړاندې په مبارزې، سعودي ژورنالست جمال قاشقچي په مسلې او د سوریې په وروستیو پرمختګونو بحث او تبادل د نظر وشو.
د ویلو ده چې ولسمشر اردوغان او ټرمپ په ترکیه کې د جاسوسي په تور د یوې مودې لپاره د زنداني کیدو نه وروسته د خوشې شوي امریکايي راهب اندریو برنسون د مسلې په حقوقي بهیر، د ترکیې او امریکا ترمنځه په همکاریو ، په هره برخه کې د اړیکو د نورمالیدو او ودې او د فتح الله ګولن ترهګریز سازمان په ګډون د ترهګرۍ پر وړاندې په مبارزه کې په همکارۍ خبرې وکړې.
د ترکیې او امریکا ولسمشرانو د جون په میاشت کې د دواړو هیوادونو لخوا د منبیج په اړه د لاسلیک شوي مطابقت هر څه ژر د عملي کولو پر اهمیت ټینګار وکړ او د سپټمبر په ۱۷ مه د ترکیې او روسیې ترمنځه د ادلب په اړه د لاسلیک شوي مطابقت په مسلې هم خبرې وکړې.
ولسمشر اردوغان او ټرمپ د اکتوبر په دویمه نیټه په استانبول کې د سعودي عربستان په قونسلګرۍ کې د وژل شوي سعودي مخالفت ژورنالست جمال قاشقچي د پيښې د روښانه کولو د مسلې په اړه په همکارۍ ټینګار وکړ.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله