ترکیې د قاشقچي د پيښې په اړه د سعودي عربستان په قونسلګرۍ کې پلټنې وکړې

د ویلو ده چې  ترکیې  د سعودي عربستان سره په ګډه  پرون  د سعودي عربستان په قونسلګرۍ کې  پلټنې وکړې. پلټنو چارې پایته ورسیدې.

د پلټنې په هیت کې د دواړو هیوادونو  د چارواکیو سربیره  د پیښې د ځای د څیړولو  متخصصینو هم  ګډون کړی وو.

پرون  د ماښام په ساعتونو کې  لومړی  د سعودي عربستان نه راغلې ډله  قونسلګرۍ ته داخل شوه. همداشان  ورپسې سم د ترکیې د پلټنې ډله  قونسلګرۍ ته داخل شوه.

د ویلو ده چې د پلټنو د پایلو په اړه تر اوسه پورې څه ندي ویل شوي.

سعودي عربستان تیر اوونۍ  د جمال قاشقچي د پيښې په ګډه د څیړولو  وړاندیز کړی وو. ترکیې  د سعودي عربستان وړاندیز منلی وو .

د بله پلوه  د استانبول د جمهوریت څارنوالۍ  د تري تم شوي  سعودي ژورنالست  جمال قاشقچي د  عاقبت د معلومولو په خاطر تحقیقات پیل کړي دي.

د  یادولو وړ ده چې  ژورنالست جمال قاشقچي  د اکتوبر د میاشتې په دویمه نیټه  په استانبول کې د سعودي عربستان  قونسلګرۍ ته د ننوتو نه راپدیخوا لا درکه شوی دی.

ځینو برخې  په قونسلګرۍ کې  د جمال قاشقچي د وژل کیدو  ادعا کوي  خو سعودي عربستان بیا دا ادعا  په کلکه توګه ردوي.