په ترکیه کې د ناقانونه کډوالو فاجعه رامنځته شوه
په ترکیه کې د ناقانونه کډوالو کښتۍ په سمندر کې ډوبه شوه.
د ترکیې د ازمیر ولایت د کارابورنو په ولسوالۍ کې د ناقانونه کډوالو کښتۍ په سمندر کې ډوبه شوه.
د سیمې نه د ترلاسه شوو معلوماتو له مخې تیره شپه د ازمیر ولایت د کارابورنو په ولسوالۍ کې د ناقانونه کډوالو کښتۍ په سمندر کې ډوبه شوه.
د ازمیر ولایت د سواحلو د امنیت قومندانۍ ویلي دي چې تیره شپه د دریو بجو په شاوخوا کې یوه میرمن چې د ډوبې شوې کښتۍ نه ژوندۍ ژغورل شوې او په لامبو يي ځان وچې ته رارسولی وو د کښتۍ د ډوبیدو په اړه خبر ورکړ.
سمدلاسه د ژغورنې ډلې سیمې ته لاړې. د ویلو ده چې په سیمه کې تیرې شپې د دریو بجو راهیسې د ژغورنې عملیات داوم لري. پدې عملیاتو کې ۵ کښتیو او ګن شمیر پرسونل برخه اخیستې ده .
د عملیاتو په ترڅ کې تر اوسه پورې د ۸ تنو کډوال مړي موندل شوي دي. ژغورل شوې میرمنې ویلي دي چې په کښتۍ کې ۳۵ تنو کډوالو شتون درلود. هغه ویلي دي چې په کښتۍ کې د سپریدو نه وروسته د لنډه موده وروسته د سمندر په منځ کې په ډوبیدو پیل وشو. کښتۍ ته اوبه راوختې او کښتۍ ډوبه شوه.
په سیمه کې د لا درکه کسانو د موندلو په خاطر هلې ځلې دوام لري.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله