ولسمشر اردوغان د ایران د ولسمشر او جاپان د لومړي وزیر سره ولیدل
د ترکیې ولسمشر اردوغان په نیویارک کې دوه په دوه لیدونو ته دوام ورکوي
د ترکیې ولسمشر رجب طیب اردوغان د امریکا متحده ایالتونو د نیویارک په ښار کې د ایران د ولسمشر حسن روحاني او د جاپان د لومړي وزیر شینزو ابي سره لیدنې وکړې.
د ترکیې ولسمشر رجب طیب اردوغان چې د ملګروملتونو سازمان په ۷۳ م عمومي اجلاس کې د ګډون په خاطر نیویارک ته سفر کړی هلته د خپلو لیدونو کتنو په چوکاټ کې لومړی د جاپان د لومړي وزیر سره ولیدل.
د ویلو ده چې پدې لیدنه کې د ولسمشر اردوغان سره د بهرنیو چارو وزیر مولود چاوش اوغلو، د ملي دفاع وزیر خلوصي اکار، د روغتیا وزیر فخرالدین کوجا او د صنایع او تکنالوژۍ وزیر مصطفی وارانک هم ګډون کړی وو.
ولسمشر اردوغان وروسته د ایران د ولسمشر حسن روحاني سره ولیدل.
د ایران د ولسمشر سره په لیدنه کې د ولسمشر اردوغان سربیره د بهرنیو چارو وزیر مولود چاوش اوغلو، د خزانې او مالیې وزیر برات البیرق او د ملي استخباراتو د تشیکلاتو رئیس حاکان فیدان هم ګډون کړی وو.
لیدنې د مطبوعاتو نه د بندو دروازو تر شا ترسره شوې .
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله