د ترکیې ولسمشر روسیې ته سفر کوي
د ترکیې ولسمشر رجب طیب اردوغان د روسیې د ولسمشر ولادیمیر پوتین سره د لیدنې په خاطر نن نوموړي هیواد ته سفر کوي.
د ولسمشرۍ ماڼۍ د معلوماتو له مخې ولسمشر اردوغان د روسیې د ولسمشر ښاغلي پوتین سره د لیدنې په موخه نن د سوچي ښار ته سفر کوي.
دواړه مشران به په ځانګړې توګه د سوریې د ادلب سیمې پر وروستیو پرمختګونو خبرې وکړي.
د معلوماتو له مخې ولسمشر اردوغان به د خپل روس سیال سره په ادلب د احتمالي بریدونو له امله د کډوالۍ په لویې څپې، په سیمه کې د ترکي ځواکونو پر امنیت او سیاسي حل لارې په څیر په مسلو وغږیږي.
همداشان پدې لیدنه کې به د سوریې د مسلې سربیره د دواړو هیوادونو په اقتصادي او انرژۍ په اړیکو هم خبرې وشي.
د ویلو ده چې د سپټمبر په ۲۶ مه نيټه د ملګروملتونو په عمومي غونډه کې د سوریې پر مسلې د خبرو نه مخکې د ترکیې او د روسیې د مشرانو دا لیدنه ځانګړی اهمیت لري.
د ترکیې او روسیې ولسمشرانو لس ورځې مخکې د ایران په پلازمینه تهران کې د ترکیې، روسیې او ایران د درې اړخیزې سرمشریزې پر چوکاټ کې لیدنه کړې وه.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله