ترکیې او روسیې د ویزو د معافیت په مسله کې هوکړه وکړه
د ترکیې د بهرنیو چارو وزیر مولود چاوش اوغلو سوداګرو ته د ویزو د اسانتیاوو په برخه کې زیری ورکړ.
هغه وویل چې د روسیې سره د ویزې د معافیت په مسلې په تفاهم رسیدلي وو.
مولود چاوش اوغلو دا څرګندونې د ترکیې د صادراتو د مجلس لخوا د سفیرانو په لسم کنفرانس کې د ګډون کوونکو په ویاړ په جوړه شوې د ماښام په میلمستیا کې وکړې.
هغه وویل لکه څرنګه چې پوهیږۍ د روسیې د بهرنیو چارو وزیر سرګي لاروف د سفیرانو په کنفرانس کې د ګډون په خاطر انقرې ته راغلی وو. د ویزې په مسله مو ورسره هراړخیز خبرې وکړې.
په ځانګړې توګه د سوداګرو، د لویو لاریو چلوونکو، د رسمي پاسپورت لرونکو او خدمت پاسپورتونو لپاره د ویزې په معافیت سره په تفاهم ورسیدو.
د روانې اګست میاشت په وروستیو یعنې د لوی اختر نه وروسته به د دواړو خواوو کاري ډلې پدې مسلې په ډیرې چټکۍ سره کار وکړي او هر څه ژر به د ویزو معافیت پیل شي.
هغه وویل چې د نړۍ د ټولو هیوادونو سره د ویزو د معافیت په مسلې خبرې کوو. پدې اړه جدي هلې ځلې دوام لري.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله