د ترکیې ولسمشر رجب طیب اردوغان د امریکا متحده ایالتونو پر خلاف ډیر سخت غبرګون وښود.
ترکیه د امریکا د تهدیدونو نه ډار نلري.
![د ترکیې ولسمشر رجب طیب اردوغان د امریکا متحده ایالتونو پر خلاف ډیر سخت غبرګون وښود.](http://cdn.trt.net.tr/images/xlarge/rectangle/307d/c27b/1e0b/5b6eeab2016a3.jpg?time=1718851372)
هغه وویل چې د امریکا لخوا د تحریمونو تر شا په نغښتو لوبو ډیر ښه اګاه یو. مونږ هر څه په ډیره ښه توګه وینو. ولسمشر اردوغان د امریکا ددې مفتضع لوبو پر وړاندې د قوي مبارزه کولو پیغام ورکړ.
ولسمشر اردوغان دا څرګندونې تیره ورځ ترابزون ولایت کې په زرګونو تنو ته د وینا پر مهال وکړې.
هغه وویل چې امریکا متحده ایالتونه د خپل هغه راحب چې په ترکیه کې د فتح الله ګولن او پ ک ک ترهګرې ډلو سره د اړیکو درلودو په تور نیول شوی محاکمه کول زغملی نشي. امریکا د یو تن راحب په خاطر چې د ترهګرۍ پر تور تورن دی غواړي چې ترکیه فدا کړي. ترکیه د حقوقو دولت دی او څه چې لازم وي هغه به وکړي.
هیڅوک په ترکیې امر کولای نشي. ترکیه د چا تهدیدونو غاړه نږدي. هو که چیرې امریکا غواړي چې د یو تن راحب په خاطر خپل نږدې متفق او د ترهګرۍ پر وړاندې د مبارزې قوي شریک فدا کړي لاره يي سپینه ده .
همداشان ولسمشر اردوغان د مدني ټولنو او سازمانونو او سوداګرو سره هم لیدنه وکړه.
ولسمشر اردوغان د امریکا د اقتصادي لوبو او ترکیې پر خلاف د پيل کړې اقتصادي جګړې په اړه د ملي دریځ د خپلو غوښتنه وکړه.
ولسمشر اردوغان د ترهګرۍ پر وړاندې د مبارزې په اړه وویل چې « ترهګرو ته به نه په ترکیه او نه په سوریه کې د سا اخیستو اجازه ورنکړو. ترکیه به بهرنيو طاقتونو ته د ترکیې په سویلي پولو کې د ترهګرو د تګ راتګ د دهلیز جوړولو ته هیڅکله هم اجازه ورنکړي.»
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718851372)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718851372)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله