د ترکیې د عدلیې او کورنیو چارو وزیرانو د امریکا پر خلاف سخت غبرګون وښود
د امریکا متحده ایالتونو لخوا د ترکیې د کورنیو او عدلیې په وزارتونو د تحریم لګولو په اړه غبرګونونه دوام لري.
![د ترکیې د عدلیې او کورنیو چارو وزیرانو د امریکا پر خلاف سخت غبرګون وښود](http://cdn.trt.net.tr/images/xlarge/rectangle/27de/a7a0/bc53/5b62a3ba6b977.jpg?time=1718992036)
د ترکیې د عدلیې وزیر عبدالحمید ګل د امریکا تحریم د پریکړې په غبرګون کې وویل « په امریکا او یا په بل کوم کې نه کومه ټنګه روپۍ او نه هم کور لرم. »
د ترکیې د عدلیې وزیر دا څرګندونې د ټولنیزې مډیا له لارې په خپور کړي پیغام کې کړي دي.
هغه په خپور کړې پیغام کې ددې خبرې په ټینګار ویلی دي « زه پخپله خاوره کې د ژوند کولو او پخپله خاوره کې د مرګ نه پرته بله کومه هیله او ارزو نلرم. په امریکا او یا د ترکیې نه بهر په بل کوم هیواد کې نه کومه ټنګه روپۍ لرم او نه هم کوم مال او جایداد. که د الله رضا وي او به نصیب کې مو وي نو یوه ورځ به په خپل پلرني ولایت غازي انتپ کې د زیتونو یو کوچنی باغ وپیرم. »
همداشان د ترکیې د کورنیو چارو وزیر سلیمان سویلو هم د امریکا د تحریمونو په اړه سخت غبرګون وښود.
سویلو د ټولنیزې مډیا له لارې په خپور کړي پیغام کې ویلي دي چې « هو په امریکا کې مال لرو چې هغه هم د فتح الله ګولن ترهګریز سازمان مشر فتح الله ګولن دی. خو هغه هم تاسې ته نه پریږدو .»
د یادولو وړ ده چې امریکا تیره ورځ د ترکیې د عدلیې او کورنیو چارو په وزارتونو د تحریم لګولو پریکړه وکړه.
د امریکا د خزانې وزارت ویلي دي چې د ترکیې د عدلیې او کورنیو چارو وزیران د امریکايي راحب د نیولو او زنداني کولو په مسله کې لاس لري چې د همدې امله پر دوی د تحریم لګولو پریکړه شوې ده .
د امریکا د خزانې وزارت ویلي دي چې په امریکا کې به د ترکیې د عدلیې او کورنیو چارو د وزیرانو اړوند مال او دارايي کنګل کړي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718992036)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718992036)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله