ترکیې  د فلسطین سره د مرستو په برخه کې  د امریکا پر خلاف سخت غبرګون وښود.

ترکیې  د فلسطین سره د مرستو په برخه کې  د امریکا پر خلاف سخت غبرګون وښود.

ترکیې  د امریکا  د هغه  څرګندونو په ځواب کې چې ویلي وو  د فلسطین سره يي د ترکیې نه لا زیاتې مرستې کړي وویل « ترک  ملت  هیڅوخت  د نورو سره د ترسره کړو بشري مرستو  رکلام  نه کوي. پخپله خپل ځان  نه ستایي. »

دا څرګندونې  په ملګروملتونو سازمان کې  د ترکیې د دایمي  نماینده ګۍ  شاژدافیرې باشاک یالچین وکړې.

باشاک یالچین  د ملګروملتونو سازمان د امنیت په شورا کې د فلسطین په اړه په جوړه شوې ځانګړې غونډه کې د امریکا متحده ایالتونو  د دایمي  استازې  نیکې هیلي د هغه څرګندونو په ځواب کې چې وویل امریکا  د فلسطین سره  د عربي هیوادونو او حتا د ترکیې نه هم  ډیرې مرستې کوي داسې وویل : زمونږ ملت   د نورو سره د ترسره کړو بشري او پراختیايي مرستو  په اړه رکلام  کول  او یا په هر ځای کې یادول نه خوښوي. مونږ  داسې ملت نه یو چې پخپله خپله ستاینه وکړو. »

د فلسطین  سره  د ترکیې مرستې یواځې د ملګروملتونو په چوکاټ کې  د ترسره کیدونکو مرستو نه عبارت ندي. که چیرې  څوک  علاقه ولري  په ډیرې خوښۍ  سره  د فلسطین سره  د ترسره کړو مرستو په اړه ورته  هر اړخیز معلومات ورکوو. پدې هر سړی  ډیر ښه پوهیږي چې ترکیه  په نړۍ کې د بشري مرستو په پروګرام کې  د ۸ عشاریه ۷ میلیارده ډالرو مرستو سره  په لومړني کتار کې ځای لري. ترکیه یواځنی هیواد دی چې د خپلو ملي عوایدو  صفر عشاریه ۸۵ سلنه يي  بشري مرستو ته  جلا کړې ده.