د نړۍ د ګوټ ګوټ نه ولسمشر اردوغان ته د مبارکۍ پیغامونه راروان دي
د نړۍ مشرانو ولسمشر رجب طیب اردوغان ته په ټولټاکنو کې د ستر بري له امله مبارکي وویله.
د نړۍ مشرانو ولسمشر رجب طیب اردوغان ته په ټولټاکنو کې د ستر بري له امله مبارکي وویله.
د روسیې ولسمشر ولادیمیر پوتین ولسمشر اردوغان ته یو ځل بیا په غوڅ اکثریت سره د ولسمشر په توګه د ټاکل کیدو له امله د ټیلیفون په کرښه مبارکي وویله.
د اذربایجان ولسمشر الهام علیوف ولسمشر رجب طیب اردوغان ته په ټاکنو کې د ستر بري له امله مبارکي وویله.
د اذربایجان د ولسمشرۍ ماڼۍ لخوا د خپرې شوې خبرپاڼې له مخې د نوموړي هیواد ولسمشر الهام علیوف ولسمشر اردوغان ته د ټيلیفون په کرښه په ټاکنو کې د ستر بري له امله مبارکي ورکړه.
د اذربایجان ولسمشر ددې خبرې په ټینګار ویلي دي چې د اردوغان په مشرۍ کې ترکیې د اټکلونو نه هم ډیر زیات پرمختګ کړی دی. هغه ویلي دي چې د ولسمشرۍ په ټاکنو کې ددې ستر بري سره به ترکیې د اقتصادي برخې نه سربیره په سیاسي او نړۍواله برخه کې لا ستر بریالیتبونه ترلاسه کړي. د ټاکنو دا پایلې به ترکیه لا پسې قوي کړي.
ولسمشر اردوغان د اذربایجان ولسمشر نه د مبارکۍ له امله مننه وکړه.
همداشان د فلسطین ولسمشر محمد عباس ، د بوسنیا هیزګوینا د ولسمشرۍ د شورا ریس باقرعزت بیګویچ، د البانیا لومړي وزیر رادي راما، د هنګري لومړي وزیر ویکتور اوربن ته د ټیلیفون په کرښه د ولسمشرۍ په ټاکنو کې د ستر بري له امله مبارکي ویلې ده.
د روسیې ولسمشر پدې ټیلیفوني خبرو کې ددې خبرې په ټینګار وویل چې « ولسمشرۍ د ټاکنو پایلې په ترکیه کې د ولسمشر اردوغان په مشرۍ د ادارې لخوا د اقتصادي او ټولنیزو برخو سربیره د بهرني سیاست په برخه کې د لا قوي ګامونو د پورته کولو په اړه او د ولسمشر اردوغان د مشرۍ نه د پوره ملاتړ کولو ښکاره ثبوت دی. »
د ایران ولسمشر حسن روحاني هم ولسمشر اردوغان په ټولټاکنو کې د بري له امله مبارکي وویله.
د ایران ولسمشر د ولسمشرۍ په رسمي ویبپاڼه کې په خپور کړي پيغام کې ویلي دي
« د ولسمشرۍ په ټاکنو کې د ستر بري او د خپل ملت په حضور کې د اعتماد د تازو کولو په مناسب تاسې ذات عالي ته مبارکي وایم.»
همداشان د وینزویلا ولسمشر نیکولاس مادورو هم ولسمشر اردوغان ته ددې ستر بري له امله مبارکي وویله.
د وینزویلا ولسمشر ولسمشر اردوغان ته د ټيلیفون په کرښه د مبارکۍ د ورکولو نه سربیره د ټولنیزې مډیا له لارې هم یو پیغام خپور کړی دی.
هغه د ټولنیزې مډیا له لارې په خپور کړي پیغام کې ویلي دي چې « د وینزویلا د ملت حقیقي ورور او دوست ښاغلی اردوغان ! د ولسمشرۍ په ټاکنو کې ددې ستر بري له امله تاسې ته مبارکي وایم. »
همداشان د اروپايي ټولنې ویاند ورځنۍ خبري غونده کې په ترکیه کې د ولسمشر اردوغان د بري په اړه وویل « ددې په هیله چې ولسمشر رجب طیب اردوغان په مشرۍ ترکیه ، د کډوالۍ، امنیت او سیمه ایز استقرار او ترهګرۍ پر وړاندې د مبارزې په څیر په مهمو برخو کې د اروپايي ټولنې سره شراکت ته دوام ورکړي . »
د بله پلوه د ناټو د سازمان سرمنشي ینس ستولتنبرګ پ لوکزامبورګ کې د اروپايي ټولنې د بهرنیو چارو د وزیرانو د شورا د غونډې نه مخکې خبریالانو پوښتنې ځواب کړې. هغه وویل « ولسمشر اردوغان ته یو ځل بیا د ولسمشر په توګه د ټاکل کیدو له امله مبارکي وایم. سربیره پر دې ترک ملت ته په ټولټاکنو کې د ستر ګډون له امله مبارکي وایم. »
د بله پلوه د جرمني د فدرال حکومت ویاند ستیفن سیبرت د فدرال حکومت په استازیتوب په وینا کې وویل « پوره باور لري چې د ترکیې نوی حکومت به د جرمني د فدرال حکومت سره په ګډه کار کولو ته دوام ورکړي. زمونږ سره به همکاریو ته دوام ورکړي. »
همداشان د کوسوا ولسمشر هاشم تاچي، د بحرین پاچا حمد بن عیسی الخلیفه او ولیعهد شهزاده سلمان بن حمد الخلیفه، د بیلاروس ولسمشر لوکاشینکو، د سومالیا ولسمشر محمد عبدالله فرماجو، بلغاریا لومړي وزیر بویکو بورسیو، اوکراین ولسمشر پترو پوروشینکو، قزاقزستان ولسمشر نورسلطان نظربایوف، قیرغیزستان ولسمشر سورونبایو شریفوویچ، شمالي قبرس ترک جمهوریت ولسمشر مصطفی اقنجي، مالیزیا د حکومت شریک د خلکو د عدالت د ګوند مشر انور ابراهیم، عمان سلطان قابوس بن سید، د کینیا ولسمشر اوهوروکینیاتا، د ګرجستان ولسمشر جورجي مارګیولاشویلي، د افغانستان د بهرنیو چارو وزیر صلاح الدین رباني ولسمشر اردوغان ته په ټولټاکنو کې د ستر بري له امله د مبارکي ویلې ده .
همداشان د اسلامي علماو د ټولنې عمومي مشر علي قره داغي، د اسلامی علماو عمومي مشر یوسف القرضاوي د ټولنیزې مډیا له لارې په خپور کړي پیغام کې ولسمشر اردوغان د ترلاسه کړي بري له امله مبارکي ویلې ده .
په سوریه کې د اخوان المسلیمن عمومي ریس محمد ولید حکمت، د سوریې مخالفو او انقلابي ملي ایتلاف ریس عبدالرحمان مصطفی، د قطر د امیر خور ، د قطر د امیر ورور جوان بن حمد الثاني د ټولنیزې مډیا له لارې د مبارکۍ پیغامونه خپاره کړي دي.
په تونس کې د نهضه د غورځنګ ګوند، موریتانیايي سیاستوالو، روند اندو او ورځپاڼه چلوونکو، د سینیګال علماوو ولسمشر اردوغان ته ددې ستر بري له امله مبارکي ویلې ده.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719011366)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719011366)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله