په ترکیه کې لسګونو تنه  ناقانونه  افغان کډوال ونیول شول

په ترکیه کې یو ځل بیا په لسګونو تنه  ناقانونه  افغان کډوال ونیول شول.

د ترلاسه شوي رپوټ له مخې  د ترکیې د وان ولایت د باش قلعه په ولسوالۍ کې  ۳۳ تنه ناقانونه افغان کډوال چې  د قاچاقي  لارو څخه ترکیې ته راننوتي  وو ونیول شول.

د وان ولایت امنیتي سرچینو ویلي دي چې  یاد شوي کسان  د باش قلعه ولسوالۍ د اوندرسرت  په سیمه کې هله ونیول شول چې غوښتل يي  نورو ښارونو ته  سفر وکړي .

د باش قلعه ولسوالۍ د ژاندارم  قومندانۍ  ویلي دي چې نیول شوي  کسان  د افغانستان وګړي  چې  ۸ تنه يي ماشومان دي.

نیول شوي کسان  د صحي معاینې نه وروسته  د وان ولایت  د امنیې قومندانۍ  د بهرنیو وګړو  څانګې ته وسپارل شول.

نیول شوو کډوالو سره د خوړو او جامو د مرستې نه وروسته  د کډوالو د بیرته ستنولو مرکز ته  وسپارل شول.