د ترکیې ولسمشر د روسیې د ولسمشر سره ټیلیفوني خبرې وکړې
د ترکیې ولسمشر رجب طیب اردوغان د روسیې د ولسمشر ولادیمیر پوتین سره د ټیلیفون په کرښه خبرې وکړې.
![د ترکیې ولسمشر د روسیې د ولسمشر سره ټیلیفوني خبرې وکړې](http://cdn.trt.net.tr/images/xlarge/rectangle/227f/4733/7ee6/5ac47a0c6ecc6.png?time=1719130124)
د ترکیې ولسمشر رجب طیب اردوغان د روسیې د ولسمشر ولادیمیر پوتین سره د ټیلیفون په کرښه خبرې وکړې.
د ترکیې د ولسمشرۍ ماڼۍ د معلوماتو له مخې ولسمشر اردوغان د روسیې فدراسیون ولسمشر ولادیمیر پوتین سره ټيلیفوني خبرې وکړې.
د نوموړو خبرو اصلي موضوع د امریکا لخوا د ایران سره د لاسلیک کړي اټومي تړون نه د وتو مسله وه.
ولسمشر اردوغان ددې خبرې په ټینګار وویل چې د امریکا لخوا د ایران سره د لاسلیک کړي تړون نه وتل یوه لویه خطا ده. دا تړون باید حفظ شوی وی ځکه چې د یو ستر ډیپلوماتیک موفقیت په پایله کې رامنځته شوی وو.
د روسیې ولسمشر هم په امریکا د تړون نه د وتو له امله نیوکه وکړه او وویل چې دا تړون د سیمې د امنیت لپاره هم ډیر مهم وو.
ولسمشر اردوغان او پوتین د ایران د مسلې سربیره د سوریې په وروستیو پرمختګونو هم خبرې وکړې.
د ترکیې او روسیې ولسمشرانو پدې وروستیو ورځو کې په سوریه کې د رامنځته شوي تاوتریخوالي په اړه ژوره اندیښنه څرګنده کړه.
ولسمشر اردوغان پدې ټیلیفوني خبرو کې ولادیمیر پوتین ته د څلورم ځل لپاره د ولسمشر په توګه د ټاکل کیدو او د مې په ۷ مه نیټه د لوړې په کولو سره په رسمي توګه د دندې د پيلولو له امله مبارکي وویله.
د ویلو ده چې ولسمشر اردوغان د پوتین نه مخکې د ایران د ولسمشر حسن روحاني سره د ټيلیفون په کرښه خبرې کړې وې.
ولسمشر اردوغان د خپل ایراني سیال سره په ټيلیفوني خبرو کې ددې خبرې په ټینګار وویل چې ترکیه د ایران د اټومي تړون نه قوي ملاتړ کوي.
ولسمشر اردوغان ترکیه د امریکا لخوا د تړون نه د وتو پریکړه یوه ستره اشتباه بولي او د تړون د حفاظت نه ملاتړ کوي.
همداشان د ترکیې او ایران ولسمشرانو د اقتصادي مسلو په اړه هم خبرې وکړې. دواړو مشرانو د اقتصادي اړیکو په لا پرمختګ ټینګار وکړ.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719130125)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719130125)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله