ترکېې د فرانسې پر خلاف سخت غبرګون وښود.
ترکیه : زمونږ دوست او متفق هیوادونه باید د هر ډول ترهګرو پر خلاف قاطع دریخ څرګند کړي
![ترکېې د فرانسې پر خلاف سخت غبرګون وښود.](http://cdn.trt.net.tr/images/xlarge/rectangle/6eb0/24a2/e45f/5abde1e6664a2.jpg?time=1719007321)
ترکېې د فرانسې پر خلاف سخت غبرګون وښود.
ترکیې د فرانسې د ولسمشر لخوا تیره ورځ د سوریې د دیموکراتیکو ځواکونو تر نامه لاندې د پ ک ک ترهګرې ډلې د څانګو وای پ جي او پ وای ډي ترهګرو ډلو د استازو سره د لیدنې او د هغوې نه د ملاتړ د څرګندولو په اړه سخت غبرګون وښود.
د فرانسې ولسمشر د یادو شوو ترهګرو سره د لیدنې نه وروسته ویلي وو « غواړي چې د سوریې ډیموکراتیکو ځواکونو او ترکیې ترمنځه منځګړتوب وکړي. »
د ترکیې د ولسمشرۍ ماڼۍ ویاند ابراهیم قالن د فرانسې د ولسمشر د څرګندونو په غبرګون کې وویل « د پ ک ک ، پ وای ډي او وای پ جي ترهګرې ډلې چې غواړي د سوریې د ډیموکراتیکو ځواکونو تر نامه لاندې ځان ته مشروعیت ورکړي په اړه د ترکیې دریځ غوڅ او څرګند دی. ترکیې سره د نوموړو ترهګرو ډلو او سازمانونو د ډیالوګ، مذاکراتو، تماس او منځګړتوب په څیر هر ډول اقدام چې د جدیت نه ډیر لري دي په کلکه توګه ردوي. ټول هغه هیوادونه چې ترکیه ورته د دوست او متفق په سترګه ګوري باید د هر ډول ترهګرو ډلو او سازمانونو پر خلاف قاطع دریځ ښکاره کړي. »
د بله پلوه د ترکیې د لومړي وزیر مرستیال او د حکومت ویاند هم د فرانسې پر خلاف سخت غبرګون وښود.
هغه وویل چې د فرانسې لخوا پ وای ډي، وای پ جي او پ ک ک ترهګرو ډلو ته د ملاتړ ضمانت ورکول په اصل کې ترهګرو ته د مشروعیت ورکولو هڅه او اقدامات دي.
د ترکیې مرستیال لومړي وزیر بکر بوزداغ د فرانسې د ولسمشر امانویل ماکرون لخوا د سوریې دیموکراتیکو ځواکونو تر نامه لاندې په سوریه کې د پ ک ک ترهګرې ډلې د څانګو پ وای ډي او وای پ جي د استازو سره لیدنې او وروسته بیا ترکیې ته د نوموړو ترهګرو او ترکیې ترمنځه د منځګړتوب وړاندیز ته سخت ځواب ووایه.
هغه ویلي دي چې د فرانسې لخوا نوموړو ترهګرو ډلو ته د ملاتړ ضمانت کول په اصل کې د ترهګرو ډلو او ترهګرو نه ښکاره د ملاتړ اعلان دی. ترهګرو ډلو ته د مشروعیت ورکولو په لاره کې اقدام دی.
د هغه ترهګرو سره چې په ترکیې بریدونه کوي ښکاره همکاري او همغږي ده.
هغه ددې خبرې په ټینګار وویل هر هغه څوک چې د ترکیې د دښمنانو او په ترکېې د برید کوونکو ترهګرو سره همکاري او همغږي وکړي او د هغوې په کتار کې ځای ونیسي د ترکیې لخوا به ورسره د ترهګرو په څیر چلند وشي او د ترکېې د هدف لاندې به قرار ونیسي.
مرستیال لومړي وزیر ویلي دي هیله لرو چې فرانسه دا ډول د حقیقت نه لرې ګام اوچت نکړي. د ترهګرو دوستۍ ته د ترکیې پر دوستۍ ترجیح ورنکړي. هغه هر هغه څوک چې ترهګرو ته د دوستۍ لاس اوږد کړي او د هغوې سره همکاري وکړي نن وي او که هغوې په ماتې محکوم دي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719007322)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719007322)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله