په عفرین کې د وژل شوو ترهګرو وروستۍ شمیره اعلان شوه

د ترکیې وسله والو ځواکونو  د سوریې د عفرین په سیمه کې د وژل شوو ترهګرو وروستۍ شمیره  اعلان کړه.

د ترکیې د ستر درستیزوالۍ د رسنیو دفتر لخوا په خپره شوې خبرپاڼه کې ویل شوي دي دي  چې  د ترکیې وسله والو ځواکونو د روان میلادي کال د جنوري په شلمه نيټه  د سوریې د عفرین په سیمه کې د پ ک ک ، ک جي ک، پ وای ډي ، وای پ جي او داعش ترهګرو ډلو او سازمانونو پر خلاف د پیل کړو عملیاتو  په ترڅ کې  د مارچ تر ۱۱ مې نيټې  جمعآ  ۳۳۴۷ تنه  ترهګر له منځه وړي دي.

په خبرپاڼه کې راغلي چې  عملیات  په چټکۍ سره پر مخ روان دي . د عملیاتو په ترڅ کې  د عفرین دوه دریمه  برخه  د ترکیې د وسله والو ځواکونو او ازادې سوریې د ځواکونو لخوا  نیول شوې او د ترهګرو نه  تصفیه شوې ده .