اردوغان : د بیت المقدس په اړه د ټرمپ پریکړه به د ملګروملتونو عمومي اجلاس ته انتقال کړو
د ترکیې ولسمشر رجب طیب اردوغان وویل چې د بیت المقدس په اړه د امریکا د ولسمشر ټرمپ پریکړه به د ملګروملتونو عمومي اجلاس ته انتقال کړي.
![اردوغان : د بیت المقدس په اړه د ټرمپ پریکړه به د ملګروملتونو عمومي اجلاس ته انتقال کړو](http://cdn.trt.net.tr/images/xlarge/rectangle/c26f/926a/13bb/5a39472dddde9.jpg?time=1718833766)
د ترکیې ولسمشر رجب طیب اردوغان وویل چې د بیت المقدس په اړه د امریکا د ولسمشر ټرمپ پریکړه به د ملګروملتونو عمومي اجلاس ته انتقال کړي.
ولسمشر اردوغان وویل چې د بیت المقدس د تاریخي برخلیک د بدلولو اړوند د خطرناک ګام د مخنیوي په خاطر د ملګروملتونو د امنیت شورا ته مسوده وړاندې شوه چې له بده مرغه د امریکا لخوا ویتو شوه.
هغه زیاته کړه چې د امنیت د شورا د ۱۵ دایمي او موقتي غړیو نه یواځې امریکا ددې مسودې پر خلاف رای وکاروله ، پاتې ۱۴ غړیو ټولو د مسودې نه ملاتړ وکړ چې دا خبره هم امریکا ته ښکاره پیغام دی او هم ځانګړی اهمیت لري.
ولسمشر اردوغان دا څرګندونې د ولسمشرۍ په ماڼۍ کې د جیبوتي د هیواد د ولسمشر سره د لیدنې نه وروسته په ګډه خبري غونډه کې وکړې.
ولسمشر اردوغان د جیبوتي د ولسمشر په مشرۍ د هیت نه په ترکیه کې د کوربه توب له امله خوښي څرګنده کړه او وویل « لکه څرنګه چې پوهیږي جیبوتي په ۱۹۷۷ کال کې خپلواکي ترلاسه کړې ده . جیبوتي د خپلواکه ۴۰ مه کلیزه لمانځي چې زه هم په خپل وار سره د جیبوتي ولسمشر او غیور ملت ته مبارکي وایم. »
ولسمشر اردوغان وویل چې تل د جیبوتي د هیواد ترڅنګ یو او ملاتړ ترینه کوو. هغه د جولای په ۱۵ مه د فتح الله ګولن ترهګریز سازمان لخوا د ترسره شوي کودتا پر مهال د ترکیې د حکومت او دولت نه د جیبوتي د هیواد د ملاتړ د اعلانولو له امله مننه وکړه او وویل چې دې هیواد د فتح الله ګولن ترهګریز سازمان پر خلاف ځیني تدابیر هم نیولي دي چې دا پخپله د دوستۍ ښکاره بیلګه ده. د همدې امله د جیبوتي د ولسمشر او ټولو مقاماتو نه د ترک ملت په استازیتوب مننه کوم.
ولسمشر اردوغان پدې خبري غونډه کې د ملګروملتونو سازمان د امنیت په شورا کې د امریکا لخوا د بیت المقدس په اړه د مسودې د ویتو کولو نه یادونه وکړه.
هغه وویل لکه څرنګه چې پوهیږۍ په استانبول کې جوړه شوې د اسلامي همکاریو د تشکیلاتو په سرمشریزه کې د بیت المقدس په اړه ډیرې مهمې پریکړې او تصامیم ونیول شول.
ددې تصامیمو په رڼا کې د بیت المقدس د تاریخي برخلیک د بدلولو د مخنیوي په خاطر د امینت شورا ته مسوده وړاندې شوه چې له بده مرغه د امریکا لخوا ویتو شوه.
د امنیت د شورا د ۱۵ غړیو نه یواځې امریکا ددې مسودې سره مخالفت وکړ او نورو ۱۴ غړیو ترینه پوره ملاتړ وکړ. دا ډیره د اهمیت نه ډکه خبره ده.
اوس دا مسوده چې د امریکا لخوا ویتو شوې ده د ملګروملتونو عمومي اجلاس ته د انتقالولو لپاره تیاری روان دی. انشاالله چې هر څه ژر به دا مسوده د ملګروملتونو عمومي اجلاس ته انتقال کړو.
ولسمشر اردوغان وویل پوره باور لري چې نړۍواله ټولنه به په عمومي اجلاس کې د عدالت، حقانیت او سولې پلوي وکړي او خپلې رایې به په همدې رڼا کې وکاروي. هغه وویل که چیرې د ملګروملتونو په عمومي اجلاس کې دوه دریمه برخه رایو سره مسوده تایید شي دا د امریکا د ویتو د ردولو په معنا ده .
ولسمشر اردوغان یو ځل بیا په نړۍوالې ټولنې ته د بیت المقدس د تاریخي برخلیک نه د ملاتړ کولو بلنه ورکړه. هغه وویل چې د ترکیې په توګه پدې مسله کې به د هیڅډول هلو ځلو نه ډډه ونکړو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718833766)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718833766)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله