په ترکیه کې د لومړي ځل لپاره مفتیانو ته د رسمي نکاح تړولو صلاحیت او حق ورکړ شو.
په ترکیه کې ددینه وروسته مفتیان هم کولی شي چې رسمي نکاح وتړي
![په ترکیه کې د لومړي ځل لپاره مفتیانو ته د رسمي نکاح تړولو صلاحیت او حق ورکړ شو.](http://cdn.trt.net.tr/images/xlarge/rectangle/c895/f1f3/57a3/59fbf97076244.png?time=1718859034)
په ترکیه کې د لومړي ځل لپاره مفتیانو ته د رسمي نکاح تړولو صلاحیت او حق ورکړ شو.
د ترکیې د عدالت او پراختیا واکمن ګوند یو څه موده مخکې ولسي جرګې ته مفتیانو ته د رسمي نکاح د تړولو د صلاحیت او حق ورکولو په اړه د قانون مسوده وړاندې کړه.
د قانون دا مسوده په ولسي جرګه کې د ډیرو زیاتو بحثونو او جنجالونو نه وروسته تصویب او د توشیح په خاطر ولسمشر رجب طیب اردوغان ته واستول شوه.
د ترکېې ولسمشر رجب طیب اردوغان د نفوس د خدماتو په قانون کې د بعضو اصلاحاتو په ګډون په ځینو قوانینو کې د اصلاحاتو په خاطر ۷۰۴۰ شمیره قانون توشیح کړ.
د ولسمشرۍ ماڼۍ د مطبوعاتي مرکز د معلوماتو له مخې ولسمشر رجب طیب اردوغان د اساسي قانون د ۸۹ یمې مادې د لومړي فقرې او ۱۰۴مې مادې د دویمې فقرې د الف بند په اساس دوه قوانین توشیح او نافذیدو په خاطر يي صدرات ته واستول.
پدې ډول ولسمشر اردوغان مفتیانو ته د رسمي نکاح تړولو د صلاحیت او حق د ورکولو اړوند قانون هم توشیح کړ.
په ترکیه کې د جمهوریت د نظام د اعلانیدو نه راپدیخوا د نفوس د خدماتو د قانون په چوکاټ کې د رسمي نکاح تړولو صلاحیت یواځې او یواځې ښاروالیو ته ورکړ شوی وو.
د جمهوریت د اعلان راپدیخوا دا لومړی ځل دی چې په ترکیه کې مفتیانو ته هم د رسمي نکاح تړولو صلاحیت او حق ورکول کیږي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718859034)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718859034)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله