ترکیې د عراق په شمال کې د پې کاکا ترهګرې ډلې په کمپونو او پټنځایونو درانده بریدونه وکړل.
د پې کاکا ګڼ شمیر پټنځایونه او د وسلو او مهماتو ډیپوګان له منځه یوړل شول
ترکیې د عراق په شمال کې د پې کاکا ترهګرې ډلې په کمپونو او پټنځایونو درانده بریدونه وکړل.
د ترکیې وسله والو ځواکونو ویلي دي چې د عراق په شمال کې د پې کاکا ترهګرې ډلې په کمپونو، پټنځایونو، موضعګانو او د وسلو او مهماتو په ډیپوګانو درانده هوايي بریدونه کړي دي.
د ترکیې د وسله والو ځواکونو زیاته کړې ده چې پدې هوايي بریدونو کې پې کاکا ترهګرې ډلې ته ستر ګوزار ورکړ شوی دی. د پې کاکا اړوند یو زیات شمیر پټنځایونه، د وسلو او مهماتو ډیپوګان او موضعګانې له منځه وړ شوي دي.
دا بریدونه د عراق په شمال کې د زپ، متینا او اواشین په سیمو شوي دي. په سیمه کې د پې کاکا ترهګرې ډلې اړوند د پټنځایونو، موضعګانو او د وسلو او مهماتو د ډیپلوګانو د تثبیتیدو نه وروسته هوايي ځواکونو په سیمه درانده بریدونه وکړل.
الوتکې د عملیاتو نه وروسته بیرته په سلامتۍ خپلو هډو ته ستنې شوي دي.
ترکیې پداسې حال کې د عراق په شمال کې د پې کاکا ترهګرې ډلې اړوند په سیمو هوايي بریدونه وکړل چې د عراق په شمال کې د کوردانو فدرالي اداره د عراق نه د بیلتون او خپلواکۍ په خاطر د سپتمبر په ۲۵ مه نيټه د ټولپوښتنې د ترسره کولو پریکړه کړې ده.
ترکیې د نوموړې پریکړې په غبرګون کې د عراق د شمال سره په پولو کې عسکري تطبیقات هم پيل کړي دي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله