د ترکیې د ملي راډیو تلویزیون نوی عمومي ریس وټاکل شو.
ابرهیم ارن د ترکیې د ملي راډیو تلویزیون د نوي ریس په توګه وټاکل شو
![د ترکیې د ملي راډیو تلویزیون نوی عمومي ریس وټاکل شو.](http://cdn.trt.net.tr/images/xlarge/rectangle/4d4c/fc26/5c98/5963097f4c9b4.jpg?time=1719132904)
د ترکیې د ملي راډیو تلویزیون نوی عمومي ریس وټاکل شو.
د ترکیې د وزیرانو شورا د ملي راډیو تلویزیون مرستیال ابراهیم ارن د نوي ریس په توګه وټاکه. د وزیرانو شورا د ابراهیم ارن ټاکنه د تایید په خاطر ولسمشر رجب طیب اردوغان ته وړاندې کړ چې د ولسمشر لخوا د تایید نه وروسته په رسمي جریده کې خپره شوه.
د ویلو ده چې د ترکیې د ملي راډیو تلویزیون د ریاست لپاره ۵۶ تنو ځانونه نوماند کړي وو چې ددوې له جمع نه د ۳ تنو نوماندي ومنل شوه.
د ترکیې د راډیو او تلویزیونو عالي شورا د ملي راډیو تلویزیون د ریاست لپاره په ۵۶ تنو موماندانو د غور کولو نه وروسته د ۳ تنو نوماندۍ ومنله او د وزیرانو شورا ته يي وړاندې کړه.
د وزیرانو شورا بیا د نوموړو ۳ تنو نه د ملي راډیو تلویزیون مرستیال ابراهیم ارن نوماندي قبول او د تایید په موخه يي ولسمشر رجب طیب اردوغان ته وړاندې کړه.
ولسمشر اردوغان بیا ابراهیم ارن د ملي راډیو تلویزیون د نوي ریس په توګه وټاکه.
ابراهیم ارن څوک دی؟
ابراهیم ارن په ۲۰۰۴ کال کې د بوغازایچي پوهنتون د سیاسي علومو او نړۍوالو اړیکو د څانګه نه فارغ او په کولتوري او هنري برخو کې په دنده پیل وکړ. هغه لومړی په خصوصي شرکتونو کې دنده پیل کړه او وروسته يي د مطبوعاتو برخه کې په کار پیل وکړ.
همداشان ددې ترڅنګ يي په ملي او نړۍواله کچه د مستند فلمونو، انیمیشن فلمونو، فلمونو او اعلاناتو په جوړولو پيل وکړ.
په ۲۰۰۸ کال کې د تورکواز مډیا ګروپ په چوکاټ کې د ترکیې په یو مشهور خصوصي تلویزیون ATV کې په دنده پیل وکړ. وروسته په انګلستان کې د یاد شوي تلویزیون د نماینده ګۍ مسئولیت يي په غاړه واخیست او په ۲۰۱۰ کال کې بیا د یاد شوي تلویزیون د اروپايي نشرانو د عمومي ریس د مرستیال په توګه په دنده پيل وکړ.
همداشان یو څه موده وروسته يي د ATV د عمومي ریس مرستیالۍ ته ارتفاع وکړه.
هغه د لندن د ویست منیسټر د پوهنتون نه د مطبوعاتو په برخه کې ماستري واخیسته او په ۲۰۱۳ کال کې بیا د ترکیې د ملي راډیو تلویزیون د عمومي ریس د مرستیال په توګه وټاکل شو.
ابراهیم ارن د ترکیې په ملي راډیو تلویزیون کې د دندې د پیلولو نه وروسته سمدلاسه د یو زیات شمیر تاریخي سریالونو او فلمونو په جوړولو پيل وکړ. د ترکیې د ملي راډیو تلویزیون یو زیات شمیر تاریخي سریالونه او فلمونه د هغه په مشرۍ جوړ شول.
ابرهیم ارن ددې سربیره د تلویزیونو د کمیټې د اجراییوي شورا ریاست او د ترک ټیلي کام مخابراتي شرکت د اجراییوي شورا غړیتوب په غاړه لري.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719132905)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719132905)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله