ترکیې په کابل کې په جومات ترسره شوی برید په کلکو ټکو وغنده

ترکیې  تیره شپه  د افغانستان په پلازمینه کابل کې  په یو جومات  ترسره شوی  ځانمرګی برید په کلکو ټکو وغنده.

د ترکیې د بهرنیو چارو وزارت پدې اړه په خپره کړې خبرپاڼه کې  په پلازمینه کابل کې په جومات ترسره شوی  برید غندلی دی .

د بهرنیو چارو د وزارت لخوا په خپره شوې خبرپاڼه کې راغلي دي چې « په ډیرې خواشینۍ سره  مو  تیره شپه  په پلازمینه کابل کې  په یو جومات د ځانمرګي برید په اړه چې ګڼ شمیر کسانو ته پکې مرګ ژوبلې اوښتې ته  خبر ترلاسه کړ. د روژې پدې مبارکه میاشت کې  په سپیڅلې مکان  جومات ترسره شوی  برید  په کلکو  ټکو غندو او لعنت  پرې وایو.

د پيښې قربانیانو ته د الله د دربار څخه د رحمت او مغفرت ، ټپیانو ته د عاجلې شفاء  او د قربانیانو کورنیو او د افغانستان ورور او دوست ملت  او دولت ته  تسلیت مراتب وړانډې کوو. ترکیه د ورور او دولت هیواد ملت او حکومت سره همغږۍ ته دوام ورکوي او تل يي تر څنګ  ولاړ  دی. »