دونالد ټرامپ ولسمشر اردوغان ته مبارکي وویله

د امریکا متحده ایالتونو ولسمشر دونالد ټرامپ  ولسمشر اردوغان ته د اپریل د ۱۶مې په ټولپوښتنه کې  د بري له امله  مبارکي وویله.

د ولسمشرۍ ماڼۍ  د معلوماتو له مخې  د امریکا  ولسمشر ټرامپ  تیره شپه  ولسمشر اردوغان ته د اساسي قانون  د تعدیل په موخه  په ترسره شوي ټولپوښتنه کې د بري له امله  د ټيلیفون په کرښه مبارکي وویله.

د ولسمشرۍ ماڼۍ لخوا په خپره شوې خبرپاڼه کې  ویل شوي دي چې  د امریکا ولسمشر ښاغلي ټرامپ  د ماښام په ساعتونو کې د ولسمشر اردوغان سره د ټیلیفون په کرښه خبرې وکړې. ښاغلي ټرامپ  پدې ټیلیفوني خبرو کې ولسمشر اردوغان  ته  د اپریل د ۱۶ مې  په ټولپوښتنه کې د بري له امله مبارکي وویله. پدې ټیلیفوني خبرو کې  د سوریې په مسلې، د اسد رژیم لخوا د اپریل په څلورمه  په سوریه کې د کیمیايي وسلو د برید او د امریکا لخوا په سوریې د بریدونو په مسلو هم خبرې وشوې. ټرامپ  د داعش پر خلاف په مبارزه او په سوریې د بریدونو په اړه  د امریکا د ملاتړ په خاطر د ولسمشر اردوغان نه مننه وکړه.

دواړو مشرانو ددې خبرې په ټینګار ویلي دي چې په سوریه کې د روانو ټولو ناخوالو  یواځنی  مسئول  بشار اسد  دی.

ترکېې او امریکا  د داعش په ګډون  د ټولو ترهګرو سازمانونو پر خلاف په مبارزه کې په لا زیاتې همکارۍ ټینګار وکړ.