ولسمشر اردوغان د روسیې د ولسمشر سره خبرې وکړې
د ترکیې ولسمشر رجب طیب اردوغان د روسیې ولسمشر ولادیمیر پوتین سره د ټیلیفون په کرښه خبرې وکړې.
![ولسمشر اردوغان د روسیې د ولسمشر سره خبرې وکړې](http://cdn.trt.net.tr/images/xlarge/rectangle/7a3d/068a/77cb/58c113c3bbb51.jpg?time=1719180082)
د ترکیې ولسمشر رجب طیب اردوغان د روسیې ولسمشر ولادیمیر پوتین سره د ټیلیفون په کرښه خبرې وکړې.
پدې ټیلیفوني خبرو کې تر ټولو ډیر د سوریې په مسلې خبرې وشوې. ولسمشر اردوغان د سوریې د ادلب په ښار کې په ملکي وګړو د کیمیایي وسلو د برید د څیړولو غوښتنه وکړه. همداشان دواړو مشرانو د سوریې د جوړجاړي لپاره د جینیوا او استانې د کنفرانسونو په دوام تفاهم وکړ.
د ولسمشرۍ ماڼۍ د معلوماتو له مخې پدې ټیلیفوني خبرو کې د سوریې د مسلې سربیره د سیمې او نړۍ په مهمو پرمختګونو او دوه اړخیزو اړیکو خبرې وشوې.
دواړو مشرانو د سوریې د روان کړکیچ د حل په خاطر د ترکیې او روسیې د لا زیاتو هلو ځلو په مسلې ټینګار وکړ. همداشان په سوریه کې اعلان شوی اوربند ټول هیواد ته د خوریدو په اهمیت ټینګار وشو.
ولسمشر اردوغان د سوریې د ادلب په ښار کې په ملکي وګړو د ترسره شوو کیمیايي وسلو برید په اړه د تحقیقاتو غوښتنه وکړه. ولسمشر اردوغان ددې خبرې په ټینګار وویل چې په ملکي وګړو د کیمیايي وسلو کارول ستر انساني او بشري جرم دی.
دواړو مشرانو د یو خپلواک سازمان لخوا د نوموړو بریدونو په اړه د تحقیقاتو په مسلې تفاهم وکړ.
د ترکیې او روسیې د ولسمشرانو په ټيلیفوني خبرو کې د دواړو هیوادونو د اړیکو د لا قوي کولو په مسلې ټینګار وشو.
د دواړو هیوادونو ترمنځه د اقتصادي او تجاري اړیکو د پرمختګ پر وړاندې د پرتو ټولو خنډونو او محدودیتونو د لرې کولو په مسلې ټینګار وشو. دواړو مشرانو د ژر ژر تماس نیولو په مسلې هم تفاهم وکړ.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719180082)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719180082)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله