ترکیې یو ځل بیا د جرمني د سفارت شاژدافیر د بهرنیو چارو وزارت ته احضار کړ.
ترکیې د جولای د ۱۵ د کودتا په اړه د جرمني د استخباراتو د مشر د څرګندونو په اړه سخت غبرګون وښود
ترکیې یو ځل بیا د جرمني د سفارت شاژدافیر د بهرنیو چارو وزارت ته احضار کړ.
ترکیې د جرمني شاژافیر د نوموړي هیواد د استخباراتو د مشر د هغه څرګندونو په غبرګون کې چې ویلي وو په ترکیه کې د جولای د ۱۵ مې کودتا په اړه چې د فتح الله ګولن ترهګریز سازمان لخوا ترسره شوې ده زمونږ قناعت حاصل شوی ندی د بهرنیو چارو وزارت ته احضار کړ.
د ترکیې د بهرنیو چارو د وزارت لخوا په خپره شوې خبرپاڼه کې ویلي دي چې د جرمني د استخباراتو مشر د څرګندونو په غبرګون کې د نوموړي هیواد د سفارت شاژدافیر احضار شوی دی.
په خبرپاڼه کې راغلي دي چې د کودتاچیانو اعترافات ، د کودتا نه یوه شپه مخکې د کودتاچیانو ترمنځه د ترسره شوو خبرو کاپي ګانې، د ترکیې د اقنجي په عسکري هډه کې نیول شوي د فتح الله ګولن د سازمان جګپوړي چارواکي دا ټول هغه اسناد او شواهدي چې دا ښايی چې کودتا د فتح الله ګولن ترهګریز سازمان لخوا ترسره شوې ده.
په خبرپاڼه کې راغلي دي چې د فتح الله ګولن ترهګریز سازمان یو زیات شمیر غړي چې د ترکیې د حکومت په چوکاټ کې د څارنوالانو ، قاضیانو ، پولیسو او نورو مامورینو په توګه کار کولو د جعلي اسناد او شواهدو سره په زرګونو تنه بې ګناه انسانان زورولي او د هیواد ټول قوانین يي د خپو لاندې کړي دي خو نن ورځ د جرمني لخوا ورته پناه ورکړل شوې ده .
د جرمني د استخباراتو د ریس څرګندونې او د نوموړي هیواد لخوا د فتح الله ګولن ترهګریز سازمان غړیو ته د هر ډول فعالیت او په نوموړي هیواد کې د ژوند کولو د فرصت د ورکولو سره دا ټولو ته ښکاره کوي چې جرمني د یاد شوي ذهنیت نه په ښکاره ملاتړ کوي .
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله