د ترکیې  د وزیرانو شورا  د هالنډ پر خلاف د ۴ جلا جلا بندیزونو  پریکړه وکړه.

د ترکیې  د وزیرانو شورا  د هالنډ پر خلاف د ۴ جلا جلا بندیزونو  پریکړه وکړه.

د ترکیې د لومړي وزیر مرستیال او د حکومت ویاند  نعمان کورتولموش  وویل چې د هالنډ د حکومت  سره  په لوړه کچه  اړیکې  په تعلیق کې  واچول شوې.

کورتولموش  د چانکایا په ماڼۍ کې  د لومړي وزیر بنعلي ییلدرم په مشرۍ جوړې شوې د وزیرانو د شورا  پر مهال  د خبریالانو پوښتنې ځواب کړې.

هغه وویل چې  د وزیرانو په شورا کې په هالنډ په اړه په ټولو  پرمختګونو  او پریکړو په هر اړخیزه توګه غور وشي.

هغه زیاته کړه چې  د هالنډ لخوا د ترکیې په مقابل کې د ترسره شوي  خصمانه  او ضد انساني چلند  د تلافي کولو پورې  به  د نوموړي هیواد سره  په لوړه کچه د اړیکو، پلان شوې  غونډې او پلان شوي  په لوړه کچه  رسمي سفرونه د ټولو  د ځنډولو پریکړه وشوه.

د لومړي وزیر مرستیال وویل چې ترکیې  هالنډ ته  د ۲۰۱۶ کال د دسمبر په ۲۷ مه نیټه  ورکړی  ډیپلوماتیکو الوتنو اجازه  لغوه کړه. همداشان  ترکیې ته د هالنډ د سفیر په راننوتو  بندیز ولګول شو.

هغه زیاته کړه چې د ترکیې  ملي شورا د هالنډ د پارلمان سره  د دوستۍ د ډلې د ترکیې د پلو د لغوه کولو پریکړه وکړه.

د لومړي وزیر مرستیال وویل چې په هالنډ کې د ترکیې د وزیرانو سره شوی  چلند د انساني حقونو، سیاسي ګډون، دیموکراسۍ او په سر کې  د اروپا د ارزښتونو سره  په ټکر کې  چلند دی. د هالنډ د هیواد  دې چلند د ترکیې د ملت غصه پارولې، ټول يي ډیر خواشیني کړي  دي. مونږ پدې نه پوهیږو چې  ددې خبرې اصلي لامل  څه دی.

هغه زیاته کړه لکه څرنګه چې پوهیږۍ  ترکیه  د هالنډ سره  ددې بحران  مسئول  ندی  او په راتلوونکي کې به هم  د پوره مسئولیت په چوکاټ کې قاطع  حرکت ته دوام ورکړي. ترکیه د ترکیې او هالنډ د ملتونو ترمنځه  د هر ډول  ستونزې  د مخنیوي په خاطر د خپل وس او توانه پورې هڅه کوي.

مرستیال لومړي وزیر وویل چې ترکیه په هالنډ کې  ۴۶۰ زره  لوبي کسان  لري. د ترکیې ۴۶۰ زره تنه هیوادوالو پدې هیواد کې ژوند کوي. ترکیه به ددې ټولو د حق او حقوقو نه  دفاع ته دوام ورکړي. هغه وویل چې ترکیه به هالنډ ته  د ورکوونکي هر ځواب  تدابیر هم  ونیسي.

هغه  زیاته کړه چې په هالنډ کې  هغه ترکان  چې  د پولیسو لخوا وهل ډوبول شوي او ټپي شوي دي  د خپل حق  پوښتنه به وکړي. ترکیه به د خپلو هیوادوالو سره  پدې برخه کې هر ډول مرسته وکړي.