ولسمشر اردوغان د جرمني پر خلاف سخت غبرګون وښود
اردوغان : جرمني په ښکاره توګه د ترهګرو نه ملاتړ کوي.
![ولسمشر اردوغان د جرمني پر خلاف سخت غبرګون وښود](http://cdn.trt.net.tr/images/xlarge/rectangle/b8d5/e6fb/15d9/58b9d120887de.jpg?time=1719223559)
د ترکیې ولسمشر رجب طیب اردوغان وویل چې جرمني باید د ترهګرو نه د ملاتړ له امله محاکمه شي.
ولسمشر اردوغان دا څرګندونې د ( یشیل ای ) یا زرغون میاشت د ټولنې د جایزو ورکولو په مراسمو کې وکړې.
ولسمشر اردوغان د جرمني لخوا د ترکانو د غونډې د لغوه کولو په اړه چې په پام کې وه د ترکیې د عدلیې او د اقتصاد وزیرانو پکې ګډونوالو ته وینا کړي وی سخت غبرګون څرګند کړ.
ولسمشر اردوغان وویل « تاسې وګورئ جرمني چارواکیو په نوموړي هیواد کې میشتو ترکانو ته زمونږ د عدلیې او اقتصاد د وزیرانو د ویناګانو مخه ونیوله . تیر کال ما غوښتل چې په جرمني کې د جولای ۱۵ مه د کودتا پر خلاف جوړې شوې لوې غونډې ته د ویدیو کنفرانس له لارې وینا وکړم. د دوو ساعتونو په دننه کې د جرمني د اساسي قانون محکمې غونډه وکړه او زما د وینا د مخنیوي پریکړه يي وکړه. خو همدې جرمني د پې کاکا ترهګرې ډلې د مشرانو نه جمیل بییک د عراق د شمال نه د قندیل د غرونو نه دلته په جرمني کې خپلو پلویانو سره د ویدیو کنفرانس له لارې د خبرو کولو فرصت ورکړ. دی لوی ترهګر ته يي هر ډول اسانتیاوې برابرې کړې او زمونږ يي مخه ونیوله. د همدې امله جرمني باید د ترهګرو نه د ملاتړ او هغوې سره د مرستې له امله محاکمه شي.»
ولسمشر اردوغان وویل چې د جرمني د ډیا ولټ د ورځپاڼې استازی یو څه موده مخکې د پې کاکا ترهګرې ډلې لپاره د تبلیغاتو کولو او پې کاکا سره د اړیکو درلودو په تور ونیول شو. د یو څه مودې راهیسې زنداني دي.
ولسمشر اردوغان وویل چې دا کس د پې کاکا ترهګرې ډلې د استازي او جرمني د جاسوس په توګه د اوږدې مودې لپاره په استانبول کې د جرمني په قونسلګرۍ کې پټ شوی وو.
ترکیې څو ځلې د جرمني نه د نوموړي کس د محاکمه کولو په خاطر غوښتنه وکړه خو هغوې پټ کړی وو.
د جرمني لومړۍ وزیرې نوموړې مسله رایاده کړه چې په ځواب کې ما ورته وویل ، تاسې په هر فرصت کې وایاست چې قضایه قوه باید خپلواکه وي. قضایه قوه باید بې طرفه وي. مونږ پوره باور لرو چې د ترکیې قضایه قوه هم خپلواکه ده او هم بې طرفه . تاسې دا کس مونږ راوسپارۍ چې د بې طرفه او خپلواکه محکمې لخوا محاکمه شي. لومړی يي دا کس پټ کړ خو وروسته نه پوهیږو چې څه وشو دا کس يي مونږ ته راوسپاره چې د محکمې لخوا زنداني شوی دی.
ولسمشر اردوغان وویل دم ګړۍ په زرګونو تنه ترهګر په جرمني کې په ښکاره توګه فعالیت کوي. خو دا هیواد پرې سترګې پټوي.
کله چې د یو مشروع او منتخب حکومت استازي غواړي د خپلو هیوادوالو سره وګوري او هغوې ته په ترکیه کې د پرمختګونو په اړه معلومات ورکړي له بده مرغه چې د مخه يي نیول کیږي.
جرمني باید د ترهګرو نه د ملاتړ او مرستې له امله محاکمه شي. ځکه چې هر څه په ډاګه دي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719223560)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719223560)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله