د ترکیې د هتای په ولایت کې د اسد د رژیم اړوند جنګي الوتکه راولویده.
په ترکیه کې د اسد د رژیم اړوند جنګي الوتکه راوغورځیده
د ترکیې د هتای په ولایت کې د اسد د رژیم اړوند جنګي الوتکه راولویده.
د ترکیې د هتای ولایت د سامان داغ په ولسوالۍ کې د اسد د رژیم اړوند د یوې جنګي الوتکې د لویدو نه خبر ورکړ شو.
په سیمه کې عیني شاهدانو خبري رسنیو ته ویلي دي چې د الوتکې پيلوټانو په پراشوټ کې ځانونه ګوزار کړل.
ویل کیږي الوتکه د ماښام د ۶ بجو او ۳۰ دقیقو په شاوخوا کې د سامان داغ ولسوالۍ یایلاجک په سیمه کې راوغورځیده.
د سیمې د جاندارما ځواکونه د پیښې د سیمې پر لورې روان شوي دي.
د الوتکې د غورځیدو لامل نامعلوم دی. دا لا معلومه نده چې دا الوتکه د تخنیکي ستونزې له امله غورځیدې او که ویشتل شوې ده .
د ترکیې لومړي وزیر بنعلي ییلدرم د نوموړې پيښې په اړه وویل « نن د ماښام د ۶ بجو او ۳۰ دقیقو په شاوخوا کې د اسد د رژیم اړوند یوه میګ ۲۳ ډوله جنګي الوتکه د ترکیې او سوریې په پوله کې وغورځیده. الوتکه کیدای شي چې ترکیې لورې ته او کیدای شي چې سوریې لوري ته غورځیدلي وي. د ترکیې د پلټنې ډلې سیمې ته روانې شوي دي. د پلټنې چارې دوام لري.
د بله پلوه د سوریې د مخالفو ډلو نه د احرارالشام ډلې ویاند د اناتولیا خبري اژانس ته ویلي دي چې الوتکه ددوې لخوا ویشتل شوې ده او د سوریې د ادلیب د ښار په مربوطاتو کې چې د ترکیې سره په پوله کې پروت دی غورځیدلې ده. هغه ویلي دي چې الوتکه د بمبارۍ په موخه راغلې وه خو کله چې ارتفاع ټیټه کړه زمونږ د ځواکونو لخوا وویشتل شوه.
د هتای ولایت والي ایردال اتا خبري رسنیو ته وویل چې د ترکیې د پولو په منځ کې مو د اسد د رژیم اړوند د جنګې الوتکې د لویدو په اړه راپور ترلاسه کړ. د پلټنې ډلې سیمې ته لاړې او د الوتکې ځینې پارچې موندلي دي. والي وویل چې د الوتکې د پيلوټ برخه موندل شوې ده او پیلوټان پکې شتون نلري. داسې ښکاري چې پیلوټان ژوندي ژغورل شوي وي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله