اردوغان: په سوريه كې د پاتې كېدو هوډ نه لرو.
ولسمشر رجب طيب اردوغان وويل چې تركيه د سوريې په خاوره كې د دايمي هډو د ترلاسه كولو او هلته د پاتې كېدو لپاره نه لري.
![اردوغان: په سوريه كې د پاتې كېدو هوډ نه لرو.](http://cdn.trt.net.tr/images/xlarge/rectangle/dac5/6633/bdf8/58b7f0244a157.jpg?time=1719101552)
اردوغان چې له پاكستانه هېواد ته د ستنېدلو پر لار په الوتكه كې د خبريالانو سره خبرې كولې څرګنده كړه چې `` په سوريه كې د پاتې كېدو هوډ نه لرو. د تركيې يواځينى هدف په سيمه كې د رامنځته شوي ګواښ له منځه وړل او د كډوالو د راتګ مخنيوى دى.``
ولسمشر اردوغان د سوريې په خاوره كې د فرات د سپر د عملياتو د راتلونكې په اړه وويل چې د الباب تر نيول كېدو وروسته د منبج د ښار نيول دي چې اوسمهال د پي واى ډي د اروپكو په لاس كې دى. اردوغان زياته كړه چې `` موږ په اصل كې د پاك كارۍ عمليات ترسره كوو. د جرابلس، راى، دابق او الباب د سيمو تر نيول كېدلو وروسته اوس وار د منبج د ښار دى.``
اردوغان دا هم وويل چې تر اوسه پورې د سوريې په اړه د امريكا د نوي ټاكل شوي ولسمشر ډانلډ ټرمپ بهرنى سياست ناڅرګند دى. ``كه چېرې د امريكا په ګډون د ايتلافي ځواكونو سره په ګډه اقدام وكړو نو د رقه د ښار د نيولو په موخه به ګډ ګام پورته كړو. پدې لړ كې د روسيې هېواد هم مهم دى. كه چېرې د داعش پر وړاندې د ګډو عملياتو وړانديز وشي نو دا مبارزه به د روسيې هم پر مخ يوسو. په روانه مياشت كې به له روسيې د ليدنې پر مهال د اړوندو موضوعاتو په اړه بحث وكړو.``
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719101553)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719101553)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله