د ترکیې د ولسمشر ویاند : د ترکیې ځواکونه د الباب ښار مرکز ته داخل شوي دي
د ترکیې د ولسمشر ویاند د ولسمشر اردوغان او ټرامپ د ټیلیفوني خبرو په اړه لا زیات معلومات ورکړل
![د ترکیې د ولسمشر ویاند : د ترکیې ځواکونه د الباب ښار مرکز ته داخل شوي دي](http://cdn.trt.net.tr/images/xlarge/rectangle/9335/6192/4bfb/589beea93b659.jpg?time=1718904557)
د ترکیې د ولسمشر ویاند ابراهیم قالن وویل چې د ترکیې وسله وال ځواکونه په سوریه کې د داعش پر خلاف د روانو عملیاتو په ترڅ کې د الباب ښار مرکز ته ننوتل.
د ترکیې د ولسمشر ویاند دا څرګندونې د یو خصوصي تلویزیون سره په مرکه کې کړي دي.
د ولسمشر ویاند په سوریه کې د روانو عملیاتو په اړه د پوښتنې په ځواب کې وویل
« د ترکیې وسله وال ځواکونه د الباب ښار مرکز ته داخل شوي دي. په یاد شوي ښار کې د اسد ځواکونو سره د نه مخامخیدو په خاطر د روسیې سره په تماس کې یو.»
ابراهیم قالن د امریکا د ولسمشر دونالد ټرامپ سره د ولسمشر اردوغان د ټیلیفوني خبرو په اړه هم معلومات ورکړل.
هغه وویل چې د دواړو مشرانو ترمنځه ټيلیفوني خبرې په ډیره مثبته فضا کې وشوې. په نږدې راتلونکي کې د دواړو مشرانو د مخامخ لیدنې په خاطر چارې پيل شوي دي.
د ولسمشر ویاند وویل چې د ښاغلي اردوغان او ټرامپ ترمنځه په ټیلیفوني خبرو کې د سوریې په مسلې ډیرې خبرې وشوې. هغه وویل چې ټرامپ د ۵ زرو کیلومترو په لویوالي سره په سوریه کې د باامنه سیمې د جوړولو وړاندیز په اړه مثبت نظر وښود.
همداشان د امریکا ولسمشر ټرامپ پدې ټیلیفوني خبرو کې ولسمشر اردوغان ته ډاډ ورکړ چې په ترکیه کې د جولای د ۱۵ مې کودتا مسول فتح الله ګولن ترکیې ته د سپارولو اړوند چارې په هر څه ژر پیل کړي.
د ولسمشر ویاند د یونان لخوا ترکیې ته د ۸ تنو کودتاچیانو د نه سپارولو په اړه د پوښتنې په ځواب کې وویل « هر شې یو بدل لري. یونان به هم ددې مسلې بدل ورکوي »
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718904557)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718904557)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله