اردوغان : داعش نه د اسلامي ترهګرو په توګه یادونه غلطه خبره ده
د ترکیې ولسمشر رجب طیب اردوغان د جرمني د لومړۍ وزیرې انګیلا مرکل سره په لیدنه کې د هغه لخوا د داعش نه د اسلامي ترهګرو په توګه د یادونې له امله سخت غبرګون وښود.
![اردوغان : داعش نه د اسلامي ترهګرو په توګه یادونه غلطه خبره ده](http://cdn.trt.net.tr/images/xlarge/rectangle/10dc/f402/d973/5893f9a4f226d.jpg?time=1719137471)
د ترکیې ولسمشر رجب طیب اردوغان د جرمني د لومړۍ وزیرې انګیلا مرکل سره په لیدنه کې د هغه لخوا د داعش نه د اسلامي ترهګرو په توګه د یادونې له امله سخت غبرګون وښود. ولسمشر د مرکل په ځواب کې وویل چې « د اسلامي ترهګرو کلمه مسلمانان خفه کوي. د داعش ترهګرې ډلې ته د اسلامي ترهګرو د کلمې کارول ناسم کار دی، ځکه چې اسلام او ترهګرۍ هیڅوخت څنګ په څنګ کیدای نشي. ستاسې نه هیله کوم چې دې ترهګرې ډلې لپاره د اسلام کلمه مه کاروئ.»
د ترکیې ولسمشر رجب طیب اردوغان پرون د مازیګر په ساعتونو کې د جرمني د لومړۍ وزیر انګیلا مرکل سره چې د رسمي سفر په ترڅ کې ترکیې ته راغلې ده د ولسمشرۍ په ماڼۍ کې ولیدل.
د لیدنې نه وروسته دواړو مشرانو د خبریالانو پوښتنې ځواب کړې. ولسمشر اردوغان دلته خبریالانو ته وویل چې « د لومړۍ وزیرې مرکل سره مو دوه په دوه او د هیتانو ترمنځه لیدنه وکړه. پدې لیدونو کې مو د عسکري، سیاسي، اقتصادي، تجاري، متقابلو اړیکو او زمونږ د هیوادونو په دننه او سیمه کې په روانو ترهګریزو پیښو د خبرو کولو فرصت ترلاسه کړ.»
ولسمشر اردوغان وویل چې ددې سربیره په لیدنه کې د سیمه یزو مسلو او په ځانګړې توګه د سوریې او عراق په پرمختګونو مو په هر اړخیزه توګه خبرې وکړې.
د کډوالو په مسلې مو خبرې وکړې. همداشان د ترهګرۍ پر وړاندې د مبارزې په برخه کې په همکاریو او د لا ښې مبارزې په خاطر څه ډول کولای شو چې اغیزمن ګامونه اوچت کړو په مسلو مو خبرې وکړې.
هغه وویل چې د ترهګرۍ پر وړاندې په مبارزه کې د ترکیې دریځ معلوم دی. خو په نړۍواله کچه د ترهګرۍ پر خلاف مبارزه او یا د ترهګرو د لمنځه وړ د یو هیواد کار ندی. دا مسله په نړۍواله کچه د همکاریو او همغږۍ سره شوني ده.
هغه وویل چې لکه څرنګه چې پوهیږۍ په جرمني کې شاوخوا ۳ میلیونه تنه ترکان ژوند کوي. ددې هیواد سره زمونږ همکاري او همغږي ډیر اهمیت لري. ترکیه او جرمني د ناټو د سازمان دوه مهم متفق هیوادونه دي . همداشان د داعش پر خلاف د نړۍوال ایتلاف په منځ کې هم د ترکیې سره د جرمني همکاري ځانګړې اهمیت لري.
ولسمشر اردوغان دلته په ترکیه کې د حکومتي سیستم د بدلیدو په خاطر د ټولپوښتنې او په اساسي قانون کې د تعدیل په اړه هم پوښتنې ځواب کړې.
هغه د جرمني د یو تن خبریال ددې پوښتنې په ځواب کې چې په ترکیه کې په اساسي قانون کې د تعدیل او حکومتي سیستم د بدلون له امله به مخالفې ډلې ضرر وویني داسې وویل ، دا خبره د ذرې په اندازه هم حقیقت نلري. په نوي سیستم کې اجراییه او قضایه قویې د یو بل نه جلا دي. مخالفې ډلې د دې ډول ادعاګانو سره غواړي چې د خلکو او نړۍ اذهان خراب کړي .
د ترهګرو ترڅنګ د اسلام کلمه کارول مناسب خبره نده:
ولسمشر اردوغان په نوموړي خبري غونډه کې د جرمني د لومړۍ وزیرې انګیلا مرکل لخوا داعش ترهګرې ډلې نه د یادونې پر مهال ددې ترهګرې ډلې نه د اسلامیست ترهګرو په توګه د یادونې په اړه سخت غبرګون وښود. ولسمشر اردوغان مرکل ته په خطاب کې وویل چې « په ځانګړې توګه غواړي په یوې مسلې رڼا واچوم، کیدای شي چې زمونږ هیوادوال هم پدې اړه غلط پوه شوي وي. د اسلامیست ترهګرو کلمه مونږ مسلمانان په جدي توګه ناراحته کوي. د دا ډول کلمې کارول مناسبه خبره نده. حقیقت نلري. ځکه چې د اسلام او ترهګرو هیڅوخت څنګ په څنګ راتلې نشي. اسلام د کلمې معنا سوله ده. که چیرې مونږ د داعش ترهګرې ډلې ته د اسلاميست ترهګرو کلمه وکارو دا مونږ ناراحته کوي ، لطفآ د داعش لپاره د اسلامي ترهګرو کلمه مه کاروئ، ځکه چې د داعش لپاره د اسلامي ترهګرو د کلمې کارولو په صورت کې مجبور یو چې په مقابل کې غږ اوچت کړو. که چیرې چپتیا غوره کړو دا د ټولو لخوا منل کیږي. زه شخصآ د یو مسلمان په توګه دا خبره هیڅکله هم منلی نشم. د یو مسلمان ولسمشر په توګه زما لپاره د منلو وړ نده. دم ګړۍ ترکیه په نړۍ کې یواځنی هیواد دی چې د داعش ترهګرې ډلې پر خلاف په واقعي ډول مبارزه کوي. دویم هیواد نه وینم. نور یواځې په خوله خبرې کوي او ترکیه په واقعي ډول مبارزه کوي.»
ولسمشر اردوغان د فتح الله ګولن ترهګریز سازمان لخوا په ترکیه کې د جولای د ۱۵ مې د کودتا نه وروسته جرمني ته د تښتیدولو کودتاچیانو په اړه د جرمني په دریځ نیوکه وکړه. ولسمشر وویل چې جرمني نه مو د نوموړو کودتاچیانو د اعادې غوښتنه کړې ده خو پدې اړه يي غوڅ دریځ ندی ښودلی.
مونږ ترکیه او جرمني د ناټو سازمان دوه قوي متفق او دوه دوست هیوادونه یو. هغه وویل لکه څرنګه چې د پي وای ډي او پې کاکا ډلې ترهګرې ډلې دي همداشان د فتح الله ګولن سازمان هم ترهګری سازمان دی.
د جرمني لومړۍ وزیرې مرکل بیا خبریالانو ته وویل چې « د خاینې کودتا نه وروسته د لومړي ځل لپاره د ترکیې نه لیدنه کوي. دواړه هیوادونه باید د ترهګرۍ پر وړاندې د مبارزې په برخه کې ډیرې قوي اړیکې ولري. »
مرکل د سوریې او عراق د روانو پرمختګونو په اړه د پوښتنې په ځواب کې وویل چې پدې اړه باید په نړۍواله کچه د مسولیتونو احساس وشي.
د ترکیې د چارواکیو سره مو د سوریې او عراق په مسلو چې د دواړو هیوادونو لپاره ډیرې مهمې دي خبرې وکړې. د کډوالو په مسلې مو خبرې وکړې. ترکیه د کډوالو په برخه کې فوق العاده هلې ځلې کوي. اروپايي ټولنه باید د ترکیې سره د مالي مرستو په برخه کې کړې ژمنې پر ځای کړي.
د جرمني لومړۍ وزیر انګیلا مرکل د ترکیې د ملي شورا د ودانۍ نه چې د جولای د ۱۵ مې کودتا پر مهال پرې بمباري شوې وه لیدنه وکړه.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719137471)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719137471)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله