په ترکیه کې د ۲۰۱۷ کال د ملي امنیت شورا لومړنۍ غونډه وشوه
په ترکیه کې د ۲۰۱۷ کال د ملي امنیت د شورا لومړنۍ غونډه پرون د ولسمشر رجب طیب اردوغان په مشرۍ د ولسمشرۍ په ماڼۍ کې جوړه شوه.
![په ترکیه کې د ۲۰۱۷ کال د ملي امنیت شورا لومړنۍ غونډه وشوه](http://cdn.trt.net.tr/images/xlarge/rectangle/ae35/1b7c/ad66/589160623fdbf.jpg?time=1718958436)
په ترکیه کې د ۲۰۱۷ کال د ملي امنیت د شورا لومړنۍ غونډه پرون د ولسمشر رجب طیب اردوغان په مشرۍ د ولسمشرۍ په ماڼۍ کې جوړه شوه.
په غونډه کې ترکیې ته د مخامخو ګواښونو او د ترهګرۍ پر وړاندې د مبارزې په مسلې په هر اړخیزه توګه خبرې وشوې.
د ملي امنیت شورا د غونډې نه وروسته اعلامیه خپره کړه. په اعلامیه کې راغلي دي چې د ملي امنیت شورا پدې غونډه کې د ترکیې ملي امنیت په مخامخو تهدیدونو، ترهګرۍ او حقوقو په چوکاټ کې د ترهګرۍ پر وړاندې د مبارزې په مسلې په هراړخیزه توګه خبرې وشوې.
په اعلامیه کې راغلي دي چې پدې غونډه کې د فتح الله ګولن ، پې کاکا او داعش ترهګریز سازمانونو پر خلاف د مبارزې او تیر کال په رامنځته شوو منفورو ترهګریزو بریدونو ارزونې وشوې.
په غونډه کې تیر کال په استانبول، قیصري، او ازمیر ښارونو کې منفور ترهګریز بریدونه ، په انقره کې د روسیې په سفیر خونړی برید او د نوي کال په شپه د استانبول قتل عام په کلکو ټکو وغندل شو. همداشان ددې بریدونو په اړه په عدلي او اداري څیړونو غور وشو.
په غونډه کې ترکیې ته د مخامخو تهدیدونو د مخنیوي په خاطر د هیواد دننه او بهر د لازمو تدابیرو نیولو پریکړه وشوه.
په اعلامیه کې راغلي دي چې د پې کاکا ترهګرې ډلې او د هغوې د څانګو لخوا په بې ګناه او مظلومو انسانانو وحشي بریدونه د ترکیې لخوا د ترهګرۍ پر وړاندې د مبارزه اهمیت نړۍوالې ټولنې ته په اثبات رسولی دی .
په اعلامیه کې ددې خبرې په ټینګار ویل شوي دي چې ترکیه به د ترهګریزو سازمانونو چې د دین، مذهب، قوم او نورو بهانو سره بې ګناه انسانان په قتل رسوي او د هغوې د ملاتړو پر خلاف مبارزې ته دوام وکړي. همداشان په اعلامیه کې د پې کاکا ترهګرې ډلې د سوریې د څانګې پي وای ډي سره د وسلو او مهماتو د مرستې په برخه کې هم خبرداری ورکړ شوی دی.
په اعلامیه کې راغلي دي هغه هیوادونه او برخې چې د یو ترهګریز سازمان پر خلاف د مبارزې په خاطر د نورو ترهګریز سازمان سره د وسلو او مهماتو مرستې کوي په اصل کې د ترهګرو قوي کولو او ترهګرۍ خورولو ته زمینه برابروي.
په اعلامیه کې ویل شوي دي چې د ملي امنیت د شورا په غونډه کې په سوریه او عراق کې په روانو پرمختګونو هم په هراړخیزه توګه خبرې وشوې. په غونډه کې عراق او سوریې کې د ترهګرو ډلو لخوا ترکیې او سیمې ته د مخامخو تهدیدونو په مسلې خبرې وشوې. همداشان پدې غونډه کې په سوریه کې د سیاسي انتقالي دورې په اړه په هلو ځلو او بشري مسولیتونو خبرې وشوې.
پدې غونډه کې د قبرس د سولې د روغې جوړې د مذاکراتو په مسلې ارزونې وشوې.
په غونډه کې د بورما د مسلمانانو په حالاتو او هغوې ته د بشري مرستو د رسولو په خاطر لازمو ارګانونو ته هدایت ورکړ شو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718958436)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718958436)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله