د استانبول والي د نیول شوي برید کوونکي په اړه خبریالانو ته معلومات ورکړل
د استانبول والي واصف شاهین تیره شپه په استانبول کې د نوي کال په شپه د شپې په کلب د برید کوونکي د نیولو نه وروسته نن خبري غونډې ته معلومات ورکړل.
په استانبول کې د نوي کال په شپه د شپې په کلب برید کوونکی په افغانستان کې روزل شوی دی.
د استانبول والي واصف شاهین تیره شپه په استانبول کې د نوي کال په شپه د شپې په کلب د برید کوونکي د نیولو نه وروسته نن خبري غونډې ته معلومات ورکړل.
هغه وویل چې د ۲۰۱۷ کال د جنوري په لومړۍ نیټه د شپې د یوې بجې او ۱۵ دقیقو په شاوخوا کې د عبدالقدیر مشاریپوف په نامه د ازبکستان وګړي د شپې په کلب منفور او وحشي برید وکړ. په برید کې ۳۹ تنو بې ګناه ملکي وګړو ژوند د لاسه ورکړ او ګڼ شمیر نور ټپیان شول.
والي وویل چې د برید کوونکي د نیولو په خاطر د ځانګړو پولیسو په ګډون ۲۰۰۰ تنه پولیس په دنده ګمارل شوي وو.
برید کوونکی تیره شپه د استانبول د ایسن یورت په سیمه کې په یو کور کې د ۴ تنو نورو شکمنو کسانو سره یو ځای ونیول شو.
والي وویل چې برید کوونکی د ازبکستان وګړی دی او په افغانستان کې روزل شوی دی . ګمان کیږي چې برید کوونکی د ۲۰۱۶ کال په پيل کې د قاچاقي لارو څخه ترکیې ته راداخل شوی وي.
والي وویل چې برید کوونکی په افغانستان کې د روزنې نه وروسته ترکیې ته راغلی دی. هغه وویل چې برید کوونکی په څلور ژبو پوهیږي .
د استانبول والي وویل چې د برید کوونکي د نیولو په خاطر د روانو عملیاتو په ترڅ کې ۷۲۰۰ ساعته امنیتي کمرو فلمونه په جدي توګه څیړل شوي دي. د ترکیې د ازمیر ، هتای ، قونیې او استانبول په ښارونو کې ۱۵۲ ادرسونو باندې چاپې اچول شوي دي.
د والي په وینا داعشي ترهګر چې عبدالقدیر مشاریپوف نومیږي مشهور په ابو محمد الخراساني دی. هغه ترکیې ته د راتګ نه وروسته لومړی د استانبول د باشاک شهیر په سیمه کې کور په کرا کړی وو. وروسته يي د ځان د پټولو په خاطر څو ځله ادرسونه او کورونه بدل کړي دي.
والي وویل چې برید کوونکي په خپل جرم اعتراف کړی دی او ددې سربیره د ګوتو نښانې سر خوري.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله