د ترکیې د بهرنیو چارو وزیر په لویدیځې نړۍ سختې نیوکې وکړې
ترکیه : هغه هیوادونه چې د داعش پر خلاف په مبارزه کې د ترکیې نه ملاتړ نکوي په انجیرلیک هډه کې موجودیت کومه معنا نلري
د ترکیې د بهرنیو چارو وزیر مولود چاووش اوغلو وویل چې « ترکیه د انجیرلیک هوايي هډې د تړولو پلان نلري خو یواځي هغه هیوادونه چې د داعش پر خلاف په مبارزه کې د ترکیې سره مرسته اوملاتړ نکوي دلته پاتې کیدل بې معنا خبره ده.»
د هیواد د بهرنیو چارو وزیر مولود چاووش اوغلو په نیویارک کې د ملګروملتونو نوي سرمنشي انتونیو ګوتریس سره د لیدنې نه وروسته د خبریالانو پوښتنې ځواب کړې.
چاووش اوغلو د هغه هیوادونو پر خلاف چې د ترکیې د وسله والو ځواکونو لخوا د سوریې د الباب په سیمه کې د داعش پر خلاف د روانوعملیاتو نه ملاتړ نه کوي سخته نیوکه وکړه. هغه وویل چې په سوریه کې د روان انساني بحران د حل په خاطر باید په جدي توګه کار وشي.
هغه زیاته کړه « ترکیه د داعش پر خلاف قوي مبارزه کوي خو له بده مرغه چې پدې وروستیو کې د داعش پر خلاف د مبارزې نړۍوال ایتلاف زمونږ د ځواکونو سره هوايي مرسته نه کوي. که چیرې دا نړۍوال ایتلاف د داعش پر خلاف د مبارزې په موخه جوړ شوی وي ، ترکیه په فزیکي ډول نن د داعش سره مبارزه کوي. پس ولې دا نړۍوال ایتلاف د ترکیې د ځواکونو نه پدې مبارزه کې ملاتړ نکوي. داعش هره ورځ د رقه ښار نه الباب ته تازه دمي جنګیالي رالیږي. ترکیه د نوموړو جنګیالیو د تګ راتګ د لارو کوردینات د نړۍوال ایتلاف سره شریکوي خو هغوې پرې برید نه کوي.»
د بهرنیو چارو وزیر د انجیرلیک هوايي هډې په اړه روانو بحثونو ته په اشارې سره وویل « ترکیه د نوموړې هډې تړولو نیت نلري خو په نوموړې هډه کې د هغه هیوادونو چې د داعش پر خلاف په مبارزه کې د ترکیې نه ملاتړ نکوي موجودیت کومه معنا نلري. »
د بهرنیو چارو وزیر خبري غونډې ته د ملګروملتونو د سرمنشي سره د لیدنې په اړه هم معلومات ورکړل. هغه وویل چې پدې لیدنه کې د قزاقستان په پلازمینه استانه کې د سوریې د سولې د مذاکراتو په مسلې خبرې وشوې. هغه زیاته کړه چې د سوریې د ستونزې د حل په انداره په نوموړي هیواد کې روان بشري ناورین هم ځانګړې اهمیت لري. ددې بشري ناورین د حل په خاطر هم باید جدي ګامونه اوچت شي.
هغه وویل چې په سوریه کې خلکو ته د بشري مرستو د رسولو د څرنګتیا په اړه يي د ښاغلي ګوتریس سره خبرې وکړې. په سوریه کې باید پرته د تبعیض او توپیر نه ټولو خلکو ته مرستې ورسول شي.
چاووش اوغلو وویل چې د ملګروملتونو د سرمنشي سره يي د قبرس په مسلې هم خبرې وکړې.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
