۲۵۰ تنه افغان ښځینه پولیسو په ترکیه کې د مسلکي زده کړو نه وروسته د فراغت سندونه ترلاسه کړ
په ترکیه کې د افغانستان د ښځینه پولیسو د مسلکي زده کړو پنځمه دوره فارغه شوه.
![۲۵۰ تنه افغان ښځینه پولیسو په ترکیه کې د مسلکي زده کړو نه وروسته د فراغت سندونه ترلاسه کړ](http://cdn.trt.net.tr/images/xlarge/rectangle/f202/b87f/7804/586f1bce12317.jpg?time=1718909376)
د افغانستان ۲۵۰ تنو ښځینه پولیسو په ترکیه کې د ۴ میاشتو مسلکي زده کړو نه وروسته د فراغت سندونه ترلاسه کړ.
د ویلو ده چې په ترکیه کې د افغانستان د ښځینه پولیسو د مسلکي زده کړو پنځمه دوره فارغه شوه.
افغان ښځینه پولیسو د ترکیې د سیواس په ولایت کې د پولیسو په اکاډمۍ کې د ځانګړو مراسمو په ترڅ کې د فراغت سندونه ترلاسه کړ.
مراسم د دواړو هیوادونو د ملي سردونو په غږولو سره پیل شول.
پدې مراسمو کې د افغانستان د کورنیو چارو وزیر تاج محمد جاهد هم ګډون کړی وو.
د افغانستان د کورنیو چارو وزیر تاج محمد جاهد د افغانستان د ښځینه پولیسو د فراغت په مراسمو کې د خپلې وینا په ترڅ کې وویل « په ورور او دوست هیواد کې د شتون له امله خوښ یم. ترکیه د افغانستان ورور او نږدې دوست هیواد دی. د کلونو کلونو راهیسې زمونږ ترڅنګ دریدلی او خپله دوستي په اثبات رسولې ده . ترکیه په سیمه او نړۍ کې ځانګړې موقف لري. ترکېې په ځانګړې توګه د تیرو ۱۵ کلونو راهیسې د افغانستان د بیارغونې او په خپلو خپو د دریدو په خاطر د هیڅډول مرستې نه ډډه نده کړې. »
د ویلو ده چې پدې مراسمو کې د ترکیې د کورنیو چارو وزیر صباح الدین اوزترک هم ګډون کړی وو.
هغه په مراسمو کې ګډوالو ته په وینا کې وویل چې « ترکیه پرته د کوم تبعیض او توپیر نه د پخوا په څیر نن هم د ورور او دوستو هیوادونو نه ملاتړ کوي. د افغانستان سره تاریخي ورورولي او ډیرې نږدې دوستانه اړیکي لرو. سره ددې چې افغانستان د جغرافیوي موقعیت له پلوه د ترکیې نه لرې پروت دی خو د فرهنګي، کولتوري، تاریخي او محبت له پلوه یو بل ته ډیر نږدي دی. مونږ افتخار کوو چې د افغانستان د پولیسو او امنیتي ځواکونو په روزلو کې ونډه لرو. د افغانستان دا ښځینه پولیسې چې نن ورځ په ترکیه کې د مسلکي زده کړو نه وروسته فارغیږي دوی په اصل کې د ترکیې او افغانستان ترمنځه د دوستۍ او ورورولۍ ښکاره بیلګه ده . دوی به زمونږ دوستي لا پسې پیاوړي کړي . »
همداشان په مراسمو کې بل ګډونوال د سیواس ولایت د امنیې قومندان سلامي التنوک د خپلې وینا په ترڅ کې د مسلکي پولیسو په اهمیت د ټینګار سره وویل « په اصل کې د مسلکي پولیسو شتون او هیوادونو د امنیتي ارګانونو ترمنځه همکاري د جرایمو د مخنیوي او د کچې د راټیټولو په برخه کې ډیره زیاته مرسته کوي . د ترکیې د پولیسو تشکیلات نن ورځ د نورو هیوادونو سره همکارۍ ته ډیر زیات اهمیت ورکوي. د افغانستان نه به چې زمونږ واقعي دوست او ورور هیواد دی ملاتړ ته دوام ورکړو.
همداشان د مراسمو په پای کې په سیواس کې د افغان ښځینه پولیسو د پنځمې دورې ۲۵۰ تنو فارغینو ته د فراغت سندونه او ځیني ډالۍ ورکړل شوې.
د یادولو وړ ده چې د ترکیې او افغانستان ترمنځه د امنیتي ځواکونو د روزنې په برخه کې د لاسلیک شوي تړون په چوکاټ کې هر کال په سلګونو تنه ښځینه او نارینه پولیس د ترکیې د سیواس په ولایت کې روزل کیږي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718909376)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718909376)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله