تركيې د اسراييلو سره مرستې ته ور ودانګل
په اسراييلو كې په يو ځنګل كې د اورلګېدنې له امله په سلګونو هېكټاره ځنګل لولپه شوى دى. تركيې د لومړي ځل لپاره د اور لګېندنې د كنترول په موخه د اسراييلو سره مرستې ته ودانګل.
د بهرنيو چارو د وزارت لخوا په خپره شوې خبر پاڼه كې راغلي دي چې په اسراييلو كې د اورلګېدنې د كنترول په موخه له تركيې نه يوه اطفايوي الوتكه سيمې ته لېږل شوې ده.
په اعلاميه كې راغلي دي چې `` په اسراييلو كې د نوامپر د ۲۲مې نېټې راهيسې د اورلګېدنې د كنترول په موخه د مرستې لپاره يوه اطفايوي الوتكه سيمې ته لېږل شوې ده.
په اسراييلو كې د بيت المقدس په شاوخوا كې په ۱۳ بېلابېلو سيمو كې اورلګېدنې رامنځته شوې ده چې د شديد باد په پايله كې نورو سيمو ته يې هم سرايت كړى دى.
ددې هېواد لومړي وزير پخوا ويلي ول چې د اورلګېدنې د كنترول په موخه به له تركيې، يونان، د قبرس له جنوبي ادارې او ايټاليا نه مرسته وغواړي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
