اردوغان : د امریکا سیاستونو ناهیلی کړی یم
د ترکیې ولسمشر د امریکا د CBS تلویزیون سره ځانګړې مرکه وکړه
![اردوغان : د امریکا سیاستونو ناهیلی کړی یم](http://cdn.trt.net.tr/images/xlarge/rectangle/e093/d4ce/0524/58328a65ba1bc.jpg?time=1718869362)
د ترکیې ولسمشر رجب طیب اردوغان وویل چې « د فتح الله ګولن ترهګریز سازمان او سوریې اړوند د امریکا متحده ایالتونو سیاستونو د ناهیلی کړی یم . »
ولسمشر اردوغان دا څرګندونې د امریکا د CBS تلویزیون سره په مرکه کې وکړې.
ولسمشر اردوغان د فتح الله ګولن ترهګریز سازمان د مشر فتح الله ګولن ترکیې ته د سپارولو د بهیر، سوریې او ترکېې او امریکا متحده ایالتونو د اړیکو په اړه د امریکا د CBS د تلویزیون پوښتنې ځواب کړې.
ولسمشر اردوغان د سوریې په اړه د امریکا د سیاستونو او پښیمانیو اړوند د یوې پوښتنې په ځواب کې وویل « که رښتیا ووایم د سوریې په اړه مې د امریکا د ولسمشر باراک اوباما او مرستیال ولسمشر جو بایدن سره خبرې کړي دي ، خو له بده مرغه چې هغوې د سوریې مسلې ته جدي پاملرنه نده کړې چې د همدې امله ناکامه شوي دي. د سوریې په اړه د امریکا سیاستونو ډیر ناهیلی کړی یم. »
ولسمشر اردوغان په ترکیه کې د جولای د ۱۵ مې کودتا په اړه وویل چې « په اصل کې د جولای د ۱۵ مې کودتا نه وروسته امریکا د غوره کړي دریځ سره د ترک ملت غبرګونونه پارولي دي. د کودتا نه وروسته په ترکیه کې د امریکا سره مخالفتونه ډیر زیات شوي دي.
ولسمشر اردوغان د ویاند ددې پوښتنې په ځواب کې چې « د جولای د ۱۵ مې کودتا پر مهال تاسې د کورنۍ سره یو ځای په رخصتۍ وتلي وۍ. ایا د کودتا پر مهال د خپل او خپلې کورنۍ ژوند په اړه درسره ډار پیدا شوی وو او که نه؟ »داسې وویل ،
زمونږ د عقیدې تر ټولو مهم اساس تسلیمیت دی. مونږ مسلمانان په مرګ ایمان لرو. خو د داسې یوې پیښې پر مهال یو مشر مجبور دی چې خپلو خلکو او ملت ته د بقاء پیغام ورکړي. ځکه که چیرې یو مشر د یوې تیګې شاته ځان پټ کړي ملت او خلک د غره شاته ځانونه پټوي. مونږ تل پر حق باور لرو . »
ولسمشر اردوغان د فتح الله ګولن ترهګریز سازمان د مشر فتح الله ګولن د اعادې د مسلې په اړه وویل « ترکیه او امریکا د مجرمینو د اعادې تړون لري. لکه څرنګه چې ترکیې امریکا ته مجرمین اعاده کړي دي ترکیه هم د امریکا نه د ورته ګام د پورته کولو انتظار لري. »
ولسمشر اردوغان د ویاند ددې پوښتنې په ځواب کې چې « ایا تاسې ګمان کوۍ چې امریکا به د جولای د ۱۵ مې کودتا تر شا لاس ولري ؟ » داسې وویل ، « زمونږ ملت دا مسله داسې ارزوي. تاسې ولې دې ترهګر ته پناه ورکړې ؟ تر کومه چې امریکا دا ترهګر ترکیې ته ونه سپاري البته چې ترک ملت لکه څرنګه چې تاسې وایاست همداشان فکر کوي . »
ولسمشر اردوغان پدې مرکه چې د امریکا متحده ایالتونو سره د وای پي جي ترهګرې ډلې په اړه هم د اختلافاتو نه هم یادونه وکړه. ولسمشر اردوغان وویل چې امریکا د داعش سره جګړه کوي په بهانه د وای پي جي ترهګرې ډلې ته وسلې او مهمات ورکوي. اردوغان زیاته کړه « د ترهګرو ترمنځه توپیر شتون نلري. ښه او بد ترهګر شتون نلري. ترهګرو ټول ترهګر او بد دي. »
ولسمشر اردوغان د ترکیې او ناټو د اړیکو په اړه هم پوښتنې ځواب کړې. هغه ددې پوښتنې په ځواب کې چې « پدې وروستیو کې ترکیه او روسیه یو بل ته ډیر نږدې شوي دي . ایا دا مسله به د ترکیې او ناټو په اړیکو بده اغیزه ونکړي ؟» داسې وویل . « دم ګړۍ مونږ د ناټو د تاسیس د تړون د مادو په اساس د ناټو سازمان سره اړیکې پر مخ وړو. ناټو هم ورته چلند کوي . د ناټو سره زمونږ په اړیکو کې کومه ستونزه شتون نلري. ترکیه د ناټو قوي او نږدی متفق هیواد دی . »
ولسمشر اردوغان د مرکې په پای کې وویل چې ، هیله لري چې د امریکا د نوې ادارې او ترکیې ترمنځه اړیکې د موجودې ادارې په پرتله توپیر ولري. د نوي ولسمشر ترامپ اداره هر څه ژر د فتح الله ګولن ترهګریز سازمان مشر ترکیې ته اعاده کړي .
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718869362)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718869362)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله